• Latest news

Եվրոպացի մասնագետները տագնապի կոչնակ են հնչեցնում հակաբիոտիկների նկատմամբ սուպերբակտերիաների կայունության պատճառով

23 փետրվարի, 2017  10:36

Եվրամիության երկրներում ամեն տարի գրեթե 25 հազար մարդ մահանում է, այսպես կոչված, «սուպերբակտերիաների» (հակաբիոտիկների նկատմամբ կայուն բակտերիաների) հետեւանքով: Այս մասին նշված է Պարենի անվտանգության եվրոպական գործակալության (EFSA) եւ Հիվանդությունների կանխարգելման ու վերահսկման եվրոպական կենտրոնի (ECDC) համատեղ հաշվետվության մեջ:

«Հակամանրէային դեղամիջոցների նկատմամբ ռեզիստենտությունը էական սպառնալիք է, որին ենթակա է մարդկանց եւ կենդանիների առողջությունը»,- հայտարարել է եվրահանձնակատար Վիտյանիս Անդրյուկայտիսը, որը պատասխանատու է պարենային անվտանգության եւ առողջապահության հարցերի համար:

Եվրահանձնակատարի խոսքով՝ սուպերբակտերիաների դեմ պայքարում ներդրված ջանքերը բավարար չեն: Հաշվետվության մեջ նշված է, որ ԵՄ-ի տարածքում տարածված է մեծ թվով հակաբիոտիկների նկատմամբ ռեզիստենտ սալմոնելա բակտերիան (Salmonella Typhimurium), որը աղիքային սալմոնելոզ ինֆեկցիայի հարուցիչն է:

Կարբապենեմանների (ազդեցության լայն սպեկտրով հակաբիոտիկներ) նկատմամբ կայուն բակտերիաներն առաջին անգամ հայտնաբերվել են կենդանիների եւ սնունդի մեջ: Աղիքայի ցուպիկում (E. coli) նույնպես ռեզիստենտության ցածր մակարդակ է նկատվել, որը հայտնաբերվել է խոզերի եւ նրանց մսի մեջ:

EFSA-ի կենսաբանական սպառնալիքի ստորաբաժանման ղեկավար Մարթա Հուգասը հայտնել է, որ հակաբիոտիկների նկատմամբ ռեզիստենտության ավելի ցածր մակարդակ է գրանցվել Եվրոպայի հյուսիսում եւ արեւմուտքում, մինչդեռ Եվրոպայի հարավում եւ արեւելքում այն բարձր է: Նրա խոսքով՝ դա կապված է հիվանդներին բուժելիս հակաբիոտիկների օգտագործման տարբեր մոտեցումների հետ: «Այն երկրներում, որտեղ հակամանրէային դեղամիջոցների կրճատման, փոխարինման կամ վերանայման գործողություններ են ձեռնարկվել, կենդանիների մոտ գրանցվել է դեղերի հանդեպ ռեզիստենտության ավելի ցածր մակարդակ եւ դրա նվազման միտում»,- ասել է նա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է