Գիտնականները մկների վրա փորձարկել են ծերացման դեմ դեղամիջոցը

Նիդեռլանդների Էրազմ Ռոտերդամցու անվան համալսարանի բժշկական կենտրոնի գիտնականները մկների վրա հաջողությամբ փորձարկել են ծերացման դեմ դեղամիջոցը: Այս մասին հաղորդում է Cell-ը:

Մեծանալով՝ մարդու հյուսվածքներում ծերացող բջիջներ են կուտակվում: Գիտնականների կարծիքով՝ դրանք նպաստում են մի շարք հիվանդությունների առաջացմանը, օրինակ՝ արթրիտի եւ դիաբետի: Հոլանդացի մասնագետների մշակած «երիտասարդության էլիքսիրը» քայքայում է այդ բջիջները, ինչը թույլ է տալիս հետ շրջել ծերացման պրոցեսը: Նյութի բաղադրության մեջ պեպրիդ է մտնում, որը ծերացող բջիջներին ինքնաոչնչացման է մղում:

Դեղամիջոցն ընդունելուց հետո ծեր մկների մոտ ֆիզիկական դիմացկունությունն աճել է. հետազոտողները նշել են, որ կրծողները սկսել են ավելի շատ ժամանակ անցկացնել «անիվում» վազելով: Բացի այդ՝ «երիտասարդության էլիքսիրն» ընդունելուց հետո կենդանիները երկու անգամ ավելի շատ տարածություն են հաղթահարել:

Գիտնականները նաեւ մկների ներքին օրգանների աշխատանքի բարելավում են արձագանքել: Նույնիսկ կրծողների մորթին է ավելի լավ տեսք ունեցել:

Հետազոտության հեղինակները նշում են, որ ստեղծված միջոցը կարող է արդյունավետ լինել քաղցկեղի դեմ պայքարում: Հաջորդ փորձը մարդկանց վրա նորույթի փորձարկումն է:

Հետևեք NEWS.am Medicine-ին Facebook-ում և Twitter-ում