ԱՄՆ-ի Ռոդ Այլենդի նահանգի ոստիկանությունը 35-ամյա Ալիսիա Փիերինիին խարդախության մեջ է մեղադրում. կինը կեղծել է ուղեղի ուռուցքը, որպեսզի 28 հազար դոլարի նվիրատվություն հավաքի:
Ոստիկանության հաղորդագրության համաձայն` հետաքննությամբ, որը սկսվել էր մի մարդու, ում անունը չի հրապարակվում, բողոքի հիման վրա, պարզվել է, որ Փիերինին հարազատներին, ընկերներին եւ ծանոթներին ասել է, թե ուղեղում իբր ուռուցք ունի: Նրա անունով GoFundMe հարթակում էջ է բացվել, որտեղ գրեթե 28 հազար դոլար է հավաքվել:
Մարդիկ, սակայն, ժամանակի ընթացքում սկսել են կասկածել, որ նրա մոտ ոչ մի ուռուցք էլ չկա: Հետաքննությամբ եւս հաստատվել է, որ նա չի եղել այն հիվանդանոցների հիվանդը, որտեղ, իր պնդմամբ, թանկարժեք բուժում է ստացել: Ավելին` նրա մոտ քաղցկեղ չի հայտնաբերվել, իսկ գումարը նա ստացել «խարդախման նպատակներով»:
Փիերինիին կալանավորել են խարդախության մեղադրանքով, սակայն ազատել են 40 հազար դոլար գրավով:
GoFundMe հարթակը խոստացել է վերադարձնել այն բոլոր անձանց փողերը, որոնք նվիրաբերել էին Փիերինիի բուժման համար: Հարթակի ներկայացուցիչ Բոբի Վիթորնը հիշեցրել է GoFundMe-ի երաշխիքի գոյության մասին, որը դոնորներին պաշտպանում է. հազվադեպ դեպքերում, եթե պարզվում է, որ նվիրատվություն հավաքող օգտատերը խարդախ է, բոլոր դոնորներն իրենց փողը ետ են ստանում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր