• Latest news

«Սուրբ Գրիգոր Լուսավորիչ» ԲԿ կոլեկտիվն առավոտից տրամադրված է գործադուլի. բժիշկ

12 հուլիսի, 2018  18:42

«Սուրբ Գրիգոր Լուսավորիչ» բժշկական կենտրոնի կոլեկտիվն առավոտից տրամադրված է գործադուլի։ Այս մասին NEWS.am Medicine-ի թղթակցի հետ զրուցում ասաց «Սուրբ Գրիգոր լուսավորիչ» բժշկական կենտրոնի բժիշկ Կարեն Մանուկյանը։

«Մի քանի շաբաթ է՝ հիվանդանոցում ստուգումներ են ընթանում, մենք դա նորմալ ենք գնահատում: Մեզ համար անհասկանալի է՝ ինչո՞ւ է նախարարը  նախքան աուդիտի ավարտը չարաշահումների մասին խոսում, ինչ-որ թիվ հնչեցնում, երբ ստուգումները դեռ չեն ավարտվել և դա հրապարակվում է մամուլում: Մեր կոլեկտիվի համար անընդունելի է նման մոտեցումը: Այստեղ մենք քաղաքական ենթատեքստ և միտում ենք տեսնում»,-ասաց նա՝ հավելելով, որ այսօր ողջ անձնակազմով հայտարարություն են տարածել՝ նախարարից պահանջելով դադարեցնել հիվանդանոցի դեմ սկսված արշավը:


«Թերթում լուրի հրապարակումից հետո, առավոտից կոլեկտիվը տրամադրված է գործադուլի, բողոքի ակցիայի, բայց տնօրեն Արա Մինասյանը խստիվ արգելեց՝ բացատրելով, որ չի կարելի խաթարել  աշխատանքային պրոցեսը: Հիվանդները չպիտի տուժեն ստեղված իրավիճակից: Այս տարիներին հիվանդանոցը  հրաշալի զարգացել է՝ թե տեխնիկապես, թե պայմանների բարելավման տեսանկյունից, և դա մեծամասամբ Մինասյանի անձնական ջանքերի արդյունքն է: Ուրախ ենք, որ նոր նախարար ունենք, բայց չի կարելի անտեսել մի ամբողջ կոլեկտիվի, դրա ղեկավարի տասնամյակների քրտնաջան աշխատանքը»,- հավելեց բժիշկը:


Հիշեցնենք, որ ավելի վաղ Սուրբ Գրիգոր Լուսավորիչ բժշկական կենտրոնի անձնակազմը հայտարարություն էր տարածել՝ պահանջելով դադարեցնել հիվանդանոցի դեմ Առողջապահության նախարարության կողմից սկսված արշավը: «Հիվանդանոցը վերակառուցվել ու ժամանակակից տեխնիկայով է հագեցել տնօրեն Արա Մինասյանի անձնական ջանքերի ու ներդրումների շնորհիվ: Համոզված ենք, որ պարոն Մինասյանի դեմ սկսված քաղաքական արշավը լուրջ հարված է հասցնելու  բժշկական կենտրոնին: Սթափության կոչ ենք անում նախարար Արսեն Թորոսյանին՝ հորդորելով զերծ պահել համակարգը հնարավոր ցնցումներից, և մեր լիակատար աջակցությունն ենք հայտնում պարոն Մինասյանին: Հետագա զարգացումների ողջ պատասխանատվությունը կրելու է ՀՀ առողջապահության նախարարությունն ու անձամբ նախարարը»,- նշված է աշխատակիցների հայտարարությունում:

Փրկենք «Սուրբ Գրիգոր Լուսավորիչ» ԲԿ–ն նախարարի կամայականություններից. հայտարարություն

 

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է