• Latest news

Երեխա բեղմնավորել ցանկացող զույգերն ինքնազսպման կարիք ամենեւին չունեն. հետազոտություն

20 սեպտեմբերի, 2018  23:37

Նախկինում ընդունված կարծիք կար, որ երեխա բեղմնավորելու փորձերի միջեւ ինքնազսպումը մեծացնում հաջողության հավանականությունը: Սակայն Molecular and Cellular Proteomics ամսագրում հրապարակված նոր հետազոտությունը այս կարծիքը հերքել է:

Մի քանի հետազոտություններ ցույց են տվել, որ նախորդ սերմնաժայթքումից կարճ ժամանակ անց (գրեթե 3 ժամվա ընթացքում) ստացված սերմնահեղուկում սերմնաբջիջներն ավելի արագ են եւ շարժուն, քան մի քանի օր ինքնազսպումից հետո: Սակայն անհասկանալի էր, թե ինչու է սերմնահեղուկը փոխվում, եւ այդ փոփոխություններն արդյոք կարող են ազդել բեղմնավորման հնարավորության վրա: Այս պատճառով չինական Շենյան քաղաքի Շենցզին հիվանդանոցի Վերարտադրողական բժշկության կենտրոնի (Center for Reproductive Medicine of Shengjing Hospital) գիտնականները մի քանի զուգահեռ փորձեր են անցկացրել:

Նրանք սերմնահեղուկն ուսումնասիրել են ինչպես մի քանի օր ինքնազսպումից հետո, այնպես էլ նախորդ սերմնաժայթքումից 1-2 ժամ հետո՝ համեմատելով սերմնահեղուկի ծավալը եւ սերմնաբջիջների շարժունակությունը: Ինչպես նշվեց ավելի վաղ, ինքնազսպման ավելի կարճ ժամանակահատվածից հետո սերմնաբջիջները սերմնահեղուկում ավելի շարժունակ են եղել:

Նմուշների սպիտակուցային բաղադրությունը հետազոտելու համար օգտագործելով մաս-սպեկտրաչափը՝ գիտնականները հայտնաբերել են մի քանի հիմնական մոլեկուլյար տարբերություններ: Փոփոխված սպիտակուցների մեծ մասը ներգրավված էին բջջային ադգեզիային (ֆունկցիա, որն անհրաժեշտ է ձվաբջջին սերմնաբջջի միավորման համար):

Փոփոխություններ են դիտվել այն սապիտակուցներում, որոնք մասնակցել են սերմնաբջիջների մոտորիկային եւ մետաբոլիզմին, հատկապես այն սպիտակուցներում, որոնք կարգավորում են թթվածնի ակտիվ ձեւերի ստեղծումը (բջջային էներգիայի արտադրման կողմնակի արտադրանք), որոնց ավելցուկը կարող է վնասել սերմանհեղուկի գենետիկ նյութը: Ստացած արդյունքների համաձայն՝ երկարատեւ ինքնազսպման դեպքում սերմնահեղուկն ավելի խոցելի է ակտիվ թթվածնով ԴՆԹ-ի վնասման հանդեպ:

Պարզելու համար, թե սերմնահեղուկի փոփոխություններն արդյոք ազդո՞ւմ են ֆերտիլության վրա, անցկացվել է նաեւ 500 զույգի հետազոտում, որոնք կլինիկայում պատրաստվում էին in vitro բեղմնավորման: Ստուգիչ խմբում ընդգրկված տղամարդիկ սերմնահեղուկի նմուշներ են հանձնել մի քանի օր ինքնազսպումից հետո, մինչդեռ փորձարարական խմբում ընդգրկվածները՝ ինքնազսպումից 3 ժամ անց:

Նման չափի խմբում ծնելիության տիպիկ գործակիցը կազմում է մոտ 30 տոկոս: Փորձարարական խմբում կենդանածինները մեկ երրորդով ավելի են եղել:

Հիմա գիտնականները սերմնահեղուկի համեմատաբար նորմալ պարամետրերով զույգերին խորհուրդ են տալիս սերմնաժայթքման շրջանում սեքսով ավելի հաճախ զբաղվել: Սա զգալիորեն մեծացնում է հղիացման հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է