• Latest news

Գիտնականները բացահայտել են ալերգիկ ասթմայի արգելափակման գաղտնիքը

13 դեկտեմբերի, 2018  19:20

Ռուս գիտնականները բացահայտել են ալերգիկ ասթմայի զարգացման եւ արգելափակման մեխանիզմը։

Ռուսաստանի գիտական հիմնադրամի մամուլի ծառայությունը հայտնում է, որ Ռուսաստանի գիտությունների ակադեմիայի Մոլեկուլյար կենսաբանության ինստիտուտի գիտնականներն ուսումնասիրել են ասթմայի տեսակներից մեկը, որը կապված է փոշու հանդեպ ալերգիայի հետ։ Փորձերը կատարվել են տրանսգենային մկների հետ, որոնց ինտերլեյկինների արտադրության համար պատասխանատու գեները որոշ իմունային մարմիններում կարելի էր անջատել։

Արգելափակելով այդ գեները՝ գիտնականները ուսումնասիրել են փոշու հանդեպ մկների ռեակցիան եւ նրանց իմունիտետի աշխատանքում փոփոխությունները։ Ուշադրության կենտրոնում եղել է ինտերլեյկին-6 մոլեկուլը, որը մեծ քանակով առկա է ասթմայով հիվանդների օրգանիզմում։

Ինտերլեյկին-6-ի արտադրության դամար պատասխանատու գենի «անջատումը» փոշու ազդեցության հանդեպ մկներին անխոցելի է դարձրել։ Բացի այդ, ագրեսիվ իմունային բջիջների թիվը թոքերում նվազել է 1,5-2 անգամ, իսկ դրանց որոշ տեսակներ բոլորովին անհետացել են։

Հետեւելով ինտերլեյկին-6-ի հետ կապված այլ գեների աշխատանքում փոփոխություններին՝ գիտնականներին հաջողվել է բացահայտել եւ ուսումնասիրել ասթմայի եւ ալերգիայի համար պատասխանատու բջիջների իմունային ռեակցիաների եւ փոխազդեցությունների ողջ շղթան

Մկների հետ կատարված հետագա փորձերը ցույց են տվել, որ ինտերլեյիկին-6-ի արգելափակումը կարող է ճնշել ասթմայի միանգամից մի քանի ենթատեսակների, որոնց թվում այդ հիվանդության ամենածանր տարբերակների զարգացումը։ Սրա հետ կապված՝ գիտնականները հուսով են, որ իրենց բացահայտումը կարող է օգնել նոր սերնդի դեղամիջոցներ ստեղծելու հարցում։

Ուսումնասիրության արդյունքները հրապարակվել են Frontiers in Immunology ամսագրում։

 

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի