Իսթ Քիլբրայդից (Շոտլանդիա) 65-ամյա Լիզ Օքլին 12 կգ-ով կտրուկ նիհարել է: Նրան թվացել էր, թե դա սննդակարգի շնորհիվ է, սակայն իրականում նրա մոտ ենթաստամոքսային գեղձի քաղցկեղ էր:
2017 թվականի հոկտեմբերին Լիզը սկսել է հետեւել ճարպի քիչ պարունակությամբ սննդակարգի: Հունվարին նրան հաջողվել է 12 կգ-ով նիհարել, ինչով նա անչափ հպարտանում էր: Սակայն շուտով նա սկսել է գանգատվել սրտխառնոցից, փորի եւ թիկունքի ցավերից, նրա մեզը մգացել է, իսկ մաշկը դեղնել: Այս ամենը նկատել է նրա դուստր Օկլին, որը մորը խոհուրդ է տվել բժշկի դիմել:
Լիզի մոտ առկա էր ենթաստամոքսային գեղձի քաղցկեղ, որը երկրորդ փուլում էր:
«Ես անչափ գոհ էի ինձնից եւ շրջապատի մոտ պարծենում էի, որ նիհարել եմ, քանի որ կարկանդակից հրաժարվել եմ: Երբ նիհարելուս իրական պատճառն իմացա, հուսահատված էի»,- ասել է շոտլանդուհին:
Հիվանդանոց այցելելուց հետո Լիզը սկսել է համացանցում փնտրել նույնպիսի հիվանդությամբ մարդկանց մասին պատմություններ, տեղեկացել է ապրելիության ցածր վիճակագրության մասին եւ իրեն խոստացել է այդ թեմայով այլեւս ոչ մի բան չկարդալ:
12 օր հետո նրան սպասում էր ենթաստամոքսային գեղձի, 12 մատնյա աղիի, լեղապարկի եւ լեղուղիների հեռացման բարդ եւ ծանր վիրահատություն: Իսկ վիրահատությունից հետո նշանակվել է քիմիաթերապիայի 6-ամսյա կուրս, նա պետք է անցներ նաեւ քիմիառադիոթերապիայի կուրս:
Լիզը հիմա իրեն լավ է զգում, սակայն ռեցիդիվի բացակայությունն անհնար է երաշխավորել կտրված ուռուցքի տեղադրության պատճառով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր