Հղիներին վազելը հակացուցված չէ՞

ԱՄՆ Չիկագո քաղաքում տեղի ունեցած մրցավազքի մասնակիցներից մեկը` հղիության 39-րդ շաբաթում գտնվող Ամբեր Միլերը մրցույթի ավարտից անմիջապես հետո հիվանդանոց է տեղափոխվել` փոքրիկին լույս աշխարհ բերելու համար: Կնոջ` առաջին հայացքից անպատասխանատու թվացող վարքն իրականում, գիտնականների պնդմամբ, արդարացված է, հաղորդում է Medical Daily-ն:

Օլիմպիական խաղերի` Միացյալ Նահանգները ներկայացնող մասնակից Ալիսիա Մոնտանոն լավագույն օրինակն է մատուցել առ այն, որ հղիներին վազելը բոլորովին էլ հակացուցված չէ: Քալիֆորնիա նահանգում տեղի ունեցած 800մ երկարությամբ մրցավազքի մասնակիցը հղիության 34-րդ շաբաթում է գտնվել եւ, թեկուզ վերջին հորիզոնականում, բայց միանգամայն հաջող ելույթ տոնել: «Ճշմարտությունն այն է, որ վազքն օգտակար է թե մայրիկի, եւ թե բալիկի համար», - նկատել է մրցավազքի հպարտ մասնակիցը:

Սա չի նշանակում, որ բոլոր հղիները պետք է մարաթոնի դուրս գան, մանավանդ եթե նրանց օրգանիզմը սովոր չէ նման ծանրաբեռնվածության, բայց անշարժ մնալը եւս լավագույն այլընտրանք չէ:  Հարկավոր է միայն զգուշություն ցուցաբերել` վայր չընկնելու եւ որովայնի հաստվածում հարված չստանալու համար, հատկապես` երկրորդ եւ երրորդ եռամսյակների ընթացքում: Իսկ ահա առաջին եռամսյակը մարմնի ջերմաստիճանի կտրուկ տատանումների տեսանկյունից է վտանգավոր: 

Բայց իսկապե՞ս կարելի է թույլ տալ, որ պտուղն այդչափ ցնցումների ենթարկվի: Պարզվում է` այո: Ընդ որում` անկախ հղիության ժամկետից, եթե, իհարկե, այն բարդություններով չի ընթանում: Խոսքը, մասնավորապես, արյան բարձր ճնշման եւ բազմապտուղ հղիության մասին է:

Հղիության ընթացքում ֆիզիկական վարժություններ կատարող կանայք շաքարախտով հիվանդանալու կամ անառողջ քաշ հավաքելու առավել նվազ ռիսկ են ապահովում:

Հետևեք NEWS.am Medicine-ին Facebook-ում և Twitter-ում