• Latest news

Ինչո՞ւ չի կարելի կովի կաթ տալ երեխաներին. փորձագետի կարծիքը

19 սեպտեմբերի, 2019  19:21

Նորածնի համար լավագույն սնունդը մայրական կաթն է, եւ կովի կաթը որեւէ կերպ չի կարող այլընտրանք դառնալ: Այս մասին NEWS.am Medicine-ի հետ զրույցում ասաց Վորլդ վիժն (World Vision) կազմակերպության փորձագետ Կարինե Աբելյանը:

Մասնագետի խոսքով՝ կովի կաթը նախատեսված է հորթի, այլ ոչ թե նորածին երեխայի համար: Դրա կազմը էապես տարբերվում է կրծքի կաթի կազմից, եւ այդ պատճառով այն չի կարող փոխարինել կրծքի կաթին: Երեխաները, որոնց կովի կաթով են կերակրում, ավելի արագ են մեծանում, քան նրանց հասակակիցները, որոնց կերակրում են կրծքի կաթով: Պատճառն այն է, որ կովի կաթի մեջ ավելի շատ կալորիա կա, չէ որ հորթն ավելի խոշոր է նորածին երեխայից եւ ավելի շատ քանակությամբ սննդանյութերի կարիք ունի:

Փորձագետի խոսքով՝ մեկ այլ խնդիր է այն, որ կովի կաթի մեջ բացակայում են հակամարմինները, որոնք առկա են կրծքի կաթի մեջ:

«Եթե երեխայի մայրը ինչ-որ հիվանդություն է ձեռք բերել կամ պատվաստվել է դրա դեմ, նրա օրգանիզմում հատուկ հակամարմիններ են ձեւավորվում, որոնք նաեւ թափանցում են կրծքի կաթի մեջ: Երբ երեխան խմում է այդ կաթը, դրա հետ փոխանցվում են նաեւ հակամարմինները, որոնք պաշտպանում են բոլոր այն հիվանդություններից, որոնց հանդեպ երեխայի մոր մոտ իմունիտետ է առաջացել»,- բացատրեց մասնագետը:

Իհարկե, խոսքն այն հիվանդությունների մասին չէ, որոնց հանդեպ օրգանիզմում կայուն իմունիտետ չի առաջանում: Օրինակ, մարդիկ հաճախ են գրիպով վարակվում, եւ այդ հիվանդությունից կրծքի կաթը չի կարող պաշտպանել: Իսկ օրինակ կարմրուկից կամ կարմրախտից երեխան կյանքի առաջին ամիսներին պաշտպանված է, եթե նրան կերակրում են բացառապես կրծքի կաթով:

Բնականաբար, մայրական կաթը չի կարող միշտ պաշտպանել նորածնին, եւ ժամանակին պետք է հոգ տանել, որպեսզի երեխայի մոտ ձեւավորվի այդ հիվանդությունների հանդեպ սեփական իմունիտետը: Դրա համար երեխային պետք է պատվաստել պատվաստումների օրացույցին համաձայն: 

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ