• Latest news▼

13-ամյա աղջիկը զրկվեց աչքից անհաջող կոսմետիկ միջամտության պատճառով

26 հոկտեմբերի, 2019  13:42

Վիետնամցի 13-ամյա աղջիկը զրկվեց աչքից անհաջող կոսմետիկ միջամտության պատճառով, որը կատարվել է սփա-սրահում։

Ինչպես տեղեկացնում է AsiaOne-ը, աղջիկը, որի անունը չի նշվում, վաղուց երազում էր պլաստիկ վիրահատության մասին, քանի որ նրան դուր չէր գալիս իր քթի ձեւը։ Հոկտեմբերի 21-ին նա առանց ծնողների իմացության գնացել է սփա-սրահ, որտեղ առաջարկում են տարբեր կոսմետիկական միջամտություններ։

Քթի ձեւի ճշտման միջամտությունը գիալուրոնաթթվի ներարկման օգնությամբ սրահում արժեր 2 մլն դոնգ (մոտ 86 դոլար)։ Աղջիկն այդ փողը չուներ, եւ հաստատության տերը թույլատրել է վճարել միջամտությունից հետո։

Ներարկումից կես ժամ հետո աղջկա ինքնազգացողությունը վատացել է, նա սրտխառնոց է ունեցել, գլխացավ, սկսել է ցավել աջ աչքը։ Նրա տեսողությունը նույնպես կտրուկ վատացել է, եւ նա զանգահարել է ծնողներին, որոնք նրան հիվանդանոց են տարել։

Այնտեղ պարզվել է, որ գիալուրոնաթթուն, որը ներարկվել է միջամտության ժամանակ, փակել է արյունատար անոթը, որը թթվածին է մատակարարում աջ աչքի ցանցաթաղանթին։ Արյան մատակարարման խախտումը հանգեցրել է նրան, որ ցանցաթաղանթը եւ քթի ու ճակատի մի մասի հյուսվածքները մահացել են։

Բժիշկները կարծում են, որ աչքը վերականգնել չի հաջողվի։

Լուսանկարում՝ կադր Vietnam News / Asia News Network-ից

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է