• Latest news

Աղջիկներն ու տղաները մաթեմատիկայից միատեսակ ընդունակություններ ունեն. հետազոտություն

9 նոյեմբերի, 2019  20:32

Աղջիկներն ու տղաները մաթեմատիկական խնդիրներ լուծելիս օգտվում են գլխուղեղի միեւնույն մեխանիզմներից եւ կառույցներից, եւ նրանց մոտ այս գիտության հանդեպ ընդունակությունները միատեսակ են: Նոր հետազոտությունը, որը հին սեքսիստական առասպելը հերքելու համար առաջին անգամ օգտագործել է գլխուղեղի վիզուալացումը, հրապարակվել է Science of Learning ամսագրում:

Անցյալում մի քանի հետազոտություններ արդեն պսակազերծել էին այն առասպելը, որ տղաներն ի բնե մաթեմատիկան ավելի լավ են հաղթահարում, քան աղջիկները: Սակայն այդ հետազոտությունները առավելապես հիմնված էին մաթեմատիկական թեստերի արդյունքների վերլուծության վրա: Իսկ հիմա գիտնականները որոշել են պարզել, թե մաթեմատիկական թեստեր լուծելիս ի՞նչ է տեղի ունենում ուղեղում, եւ արդյոք տարբեր սեռերի երեխաների մոտ գործարկվում է միեւնո՞ւյն նեյրոնային մեխանիզմը:

Այս հարցին պատասխանելու համար գիտնականները հետազոտել են 3-ից մինչեւ 10 տարեկան 104 երեխաների ուղեղը: Երեխաներին տրվել են կոգնիտիվ թեստեր, այնուհետեւ նրանք դիտել են մաթեմատիկայի գրավիչ դասերով տեսանյութեր: Նրանք միեւնույն ժամանակ մագնիսառեզոնանսային տոմոգրաֆիայով սքանավորում են անցել:

Հեղինակների խոսքով՝ իրենք պարզել են, որ մաթեմատիկական խնդիրներ լուծելիս անկախ սեռից բոլոր երեխաների մոտ գործարկվել է գլխուղեղի միեւնույն ցանցը:

Այսպիսով, գիտնականները հանգել են եզրակացության, որ այն կարծրատիպերը, թե մաթեմատիկան աղջիկներն ավելի վատ են հաղթահարում, քան տղաները, հիմնավորված չեն: Սակայն հանրությունն ու մշակույթը աղջիկներին եւ կանանց մաթեմատիկայից եւ ճշգրիտ գիտություններից հետ են մղում:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի