• Latest news

Մասնագետը հայտնել է COVID-19-ի մահացու վտանգավոր ախտանիշի մասին

25 նոյեմբերի, 2020  11:20

Ավելորդ քաշով պացիենտները COVID-19-ի դեպքում հաճախ բախվում են քնի մահացու վտանգավոր խանգարման՝ ապնոեի համախտանիշի, շնչառության կանգերով։ Այս խնդրի պատճառով կորոնավիրուսային ինֆեկցիայի ընթացքը կարող է ավելի ծանր լինել։ Այսպիսի կարծիք է հայտնել սոմնոլոգ Դարյա Լեբեդեւան (Ռուսաստան), փոխանցում է Lenta.ru-ն։

Մասնագետի խոսքով՝ եթե ապնոեի համախտանիշով պացիենտները կորոնավիրուսով վարակվելիս բուժում չեն ստանում շնչառական աջակցության միջոցով, ապա վերակենդանացման բաժանմունքում հայտնվելու ավելի մեծ հավանականություն ունեն։

«Եթե քնի խանգարման ախտորոշումը հաստատվում է, ապա [կորոնավիրուսով] պացիենտները լինելով ոչ թե վերակենդանացման բաժանմունքում, այլ սովորական հիվանդասենյակում, քնում են դիմակով։ Այսինքն՝ մենք կատարում ենք բարդությունների վաղ կանխարգելում, որ պացիենտները վերակենդանացման բաժանմունքում չհայտնվեն, եւ ամեն ինչ տխուր ավարտ չունենա։ Բանն այն է, որ ճարպակալմամբ պացիենտները հաճախ դուրս չեն գալիս ԹԱՕ-ից հետո եւ մահանում են»,- ասել է մասնագետը։

Մասնագետը օրինակ է բերել իր պրակտիկայից, երբ ապնոեի համախտանիշի պատճառով կորոնավիրուսային ինֆեկցիայով կնոջ դեպքում թթվածնային թերապիան սպասելի արդյունք չի տվել։

«Ցերեկը, կարծես, ամեն ինչ նորմալ է, բայց գիշերը մարդու մոտ, միեւնույն է, լինում է թթվածնի մակարդակի ցիկլային անկում․ օրինակ՝ ժամում 30 եւ ավելի անգամ, ինչն, իհարկե, բացասաբար է անդրադառնում ընդհանրապես բուժման որակի վրա»,- ասել է մասնագետը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ