Պարազիտների դեմ դեղամիջոցը կփորձարկվի նաեւ կորոնավիրուսային վարակի դեմ

Իվերմեկտին հակապարազիտային դեղամիջոցը կարող է արդյունավետ լինել COVID-19-ի դեմ. հետազոտության ընթացքում այս դեղամիջոցը կարողացել է ոչնչացնել բջջային մշակույթներում աճեցված կորոնավիրուսը 48 ժամից պակաս ժամանակահատվածում եւ մեկ օրում նվազեցնել վիրուսային բեռը, հայտնում է Wio News- ը:

Իվերմեկտինը հաստատված հակապարազիտային դեղամիջոց է, որն ավելի վաղ փորձարկվել էր տարբեր վիրուսների, այդ թվում` ՄԻԱՎ-ի, գրիպի, դենգեի եւ Զիկայի դեմ: Չնայած դեղամիջոցը հիմնականում անվտանգ է համարվում` Մոնաշի համալսարանի հետազոտողները մտադիր են ավելի մանրամասն հետազոտություն  անցկացնել` առավել օպտիմալ դեղաչափի ընտրության, դրա արդյունավետությունն ու կողմնակի ազդեցությունների ռիսկը կորոնավիրուսի բուժման գործում գնահատելու համար:

Շատ գիտնականներ պնդում են, որ նոր մեթոդներ գտնելու վրա կենտրոնանալու փոխարեն պետք է ուշադրություն դարձնել բուժման առկա մեթոդներին, որոնցից որոշները կարող են արդյունավետ լինել ներկայիս մարտահրավերների դեմ:

Մինչ այժմ in vitro փորձարկումներ են իրականացվել SARS-COV-2 վիրուսով վարակված բջիջների մշակույթի վրա: Դրանք ցույց են տվել, որ իվերմեկտինի մեկ անգամ ավելացումը միջավայր բավական էր, որպեսզի մեկ օր անց սուպերնատանտի մեջ վիրուսային մասնիկների քանակը կրճատվի 93 տոկոսով (հեղուկ մասում, որում պարունակվում էին բջիջները) եւ 99.8 տոկոսով` բջիջների մեջ: 48 եւ 72 ժամ անց բջիջների մշակույթում վիրուսներ չեն հայտնաբերվել:

Այս հետազոտության ընթացքում բջիջների թունավոր վնասման ապացույցներ չեն հայտնաբերվել: Իվերմեկտինի հակավիրուսային ազդեցության հավանական մեխանիզմը IMPα/β1 սպիտակուցի միջնորդությամբ վիրուսային սպիտակուցների տեղափոխումն է ընդունող բջջի միջուկ:

Հետևեք NEWS.am Medicine-ին Facebook-ում և Twitter-ում