Այսպես կոչված «կանաչ» միջերկրածովյան դիետան անգամ ավելի օգտակար է սրտի եւ անոթների առողջության համար, քանի սովորական միջերկրածովյան դիետան, ասվում է Heart պարբերականում հրապարակված հետազոտության արդյունքներում:
Կանաչ միջերկրածովյան դիետան սննդակարգ է, որը ներառում է մեծ քանակությամբ բուսական ծագման մթերք (բանջարեղեն, մրգեր, ընդեղեն, լոբազգիներ, չմաքրված հացահատիկ, բուսական յուղ), ձուկ, կաթնամթերքի չափավոր քանակություն եւ թռչնամիս: Այդպիսի սնունդը մասնագետները խորհուրդ են տալիս սրտի հիվանդությունները եւ նյութափոխանակության խանգարումները կանխարգելելու համար:
Գիտանականները նշում են, որ այդպիսի սնունդն օգտակար է բուսական սպիտակուցների շնորհիվ, որոնք հարուստ են ճարպաթթուներով:
Կանաչ միջերկրածովյան դիետան սննդակարգի արդիականացումներից մեկն է, որում բարձր է առողջության համար օգտակար նյութերի պարունակությունը:
Նոր հետազոտության մեջ մասնակցել է 294 մարդ ճարպակալումով, որոնց խորհուրդ են տվել օգտագործել մեծ քանակությամբ բանջարեղեն եւ պոլիֆենոլներ, ինչպես նաեւ շեյքեր կանաչ բանջարեղենից եւ կանաչ թեյ օրական 3-4 անգամ:
Կամավորներին բաժանել են երեք խմբի: Առաջին խմբի մասնակիցները ստացել են առողջ սնվելու ընդհանուր խորհուրդներ, երկրորդ խումբը պետք է պահպանել միջերկրածովյան դիետա կալորիաների սահմանափակմամբ եւ կարմիր մսի բացառմամբ, երրորդ խումբը հետեւել է կանաչ դիետայի կանոններին: Բոլոր մասնակիցներին խորհուրդ են տվել մեծացնել ֆիզիկական ծանրաբեռնվածությունը:
Վեց ամիս անց գիտնականները համեմատել են դիետաների արդյունքները: Առաջին խմբում մարդիկ նիհարել են միջինում 1.5 կգ, որովայնի լայնությունը կրճատվել էր միջինում 4.3 սանտիմետրով: Երկրորդ խմբում ցուցանիշները ցույց են տվել 5.4 կգ քաշի կորուստ եւ 6.8 սմ որովայնի լայնության նվազում, իսկ կանաչ դիետայի խմբում՝ 6.2 կգ քաշի կորուստ եւ 8.6 սմ կրճատում որովայնում:
Երրորդ խմբի մասնակիցների մոտ գիտնականները հայտնաբերել են սրտանոթային հիվանդությունների, այդ թվում՝ «վատ» խոլեստերինի, զարկերակային ճնշման, գլյուկոզայի փոխանակման ցուցանիշների եւ բորբոքային գործընթացների ռիսկի գործոնների առավելագույն բարելավում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր