• Latest news

Ո՞ր քաղցրավենիքներն են խանգարում քնել

17 մայիսի, 2022  12:47

Դիետան կարող է լավ ազդեցություն ունենալ առողջության, այդ թվում քնի եւ երկարակեցության վրա։ Փորձագետների կարծիքով՝ կան մթերքներ, որոնցից պետք է խուսափել, գրել է Express-ը։

«Պաղպաղակը շատ շաքար է պարունակում եւ կարող է բարձրացնել ինսուլինի մակարդակը, ինչը կարող է դժվարացնել քնելը»,- պարբերականին ասել է սննդի ու քնի գծով փորձագետ, For the Ageless ընկերության հիմնադիր Դանիել Պերես Վիդալը։

Նա թվարկել է այն մթերքները եւ ըմպելիքները, որոնցից պետք է խուսափել լավ քնել կարողանալու համար։ Մասնագետը բացատրել է, որ շաքարը խթանիչ է, ինչպես կոֆեինը, ուստի դրանցից պետք է խուսափել։

«Չպետք է օգտագործել նաեւ պանիր, սուր կերակուրներ, ինչպես քարին, պաղպաղակը եւ կարկանդակները»,- ասել է նա։

Մասնագետը խորհուրդ է տվել քնելուց անմիջապես առաջ խուսափել նաեւ կոֆեինից։

«Կոֆեինը խթանիչ է, եւ այն արդեն չպետք է ընդունել քնելուց չորս-վեց ժամ առաջ»- ասել է նա։

«Երբ քնելուց առաջ ուտում եք, ձեր օրգանիզմը սնունդը վերածում է էներգիայի, ինչից պետք է խւսափել։ Դա կարող է խանգարել մարսողությանը, ինչը կդժվարացնի քնելու պրոցեսը»,- ավելացրել է փորձագետը։

Վիդալը նշել է նաեւ, որ քարին եւ մյուս սուր համեմունքներն արագացնում են նյութափոխանակությունը, ինչը կարող է մարդուն ստիպել ավելի առույգ զգալ։

«Պանիրը չմարսվող մթերքների ցանկում է, այն կարող է առաջացնել որովայնի փքվածություն, ստամոսքի բորբոքում եւ գազագոյացում, ինչն անհարմարավետ է դարձնում քունը։ Պանիրը պարունակում է նաեւ տիրամին՝ ամինաթթու, որը նորադրենալին է առաջացնում։ Դա կարող է առույգացնել եւ խանգարել քնելուն»,- ասել է փորձագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։