• Latest news

Ինչպիսի՞ ճնշումը կարող է վտանգավոր լինել

20 մայիսի, 2022  19:31

Մարդիկ պետք է ուշադրություն դարձնեն եւ խորհրդակցեն բժշկի հետ, եթե հանգստի ժամանակ զարկերակային ճնշումը չափելիս 130/80-ից բարձր թիվ է հայտնվում, ասել է Մոսկվայի Առողջապահության դեպարտամենտի գլխավոր անկախ սրտաբան Ելենա Վասիլեւան, փոխանցում է «ՌԻԱ Նովոստի»-ն:

«Եթե հանգստի ժամանակ արյան ճնշումը չափելիս 130/80-ից բարձր թվեր են հայտնվում, ապա պետք է ուշադրություն դարձնել դրան եւ դիմել բժշկի։ Խորհուրդ, որը կարող եմ անմիջապես տալ բոլորին՝ սահմանափակեք աղի մթերքների օգտագործումը, սննդին աղ մի՛ ավելացրեք։ Զարկերակային հիպերտոնիան վտանգավոր է իր բարդություններով, ինչպիսիք են, առաջին հերթին, սրտամկանի սուր ինֆարկտը կամ ուղեղի արյան շրջանառության խախտումը»,- նշեց մասնագետը։

Նրա խոսքով՝ հաճախ զարկերակային հիպերտոնիան ախտանիշներով չի ուղեկցվում: Երբեմն արյան ճնշման բարձրացման դեպքում կարող է գլխացավ առաջանալ, հետո օրգանիզմը վարժվում է դրան ու դադարում արձագանքել, իսկ բարդությունների վտանգը չի նվազում։

Վասիլեւան հավելել է, որ սրտի համար վիտամիններ չկան։ Ցանկացած վիտամին պետք է խմել միայն բժշկի նշանակմամբ, քանի որ դրանց ավելցուկը պակաս վտանգավոր չէ:


Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ