• Latest news

Որո՞նք են արյան մեջ շաքարի բարձր մակարդակի նշանները

20 հունիսի, 2022  18:36

Բժիշկ թերապեւտ Տատյանա Ռոմանենկոն «Մոսկվա 24»-ին պատմել է, որ կան մի քանի նշաններ, որոնք վկայում են արյան մեջ շաքարի բարձր մակարդակի մասին։

Մասնագետի խոսքով՝ եթե մարդն այդպիսի խնդրի է հանդիպել, ապա դա կարող է վկայել շաքարախտի առկայության մասին։ Դասական ախտանիշները, որոնք նկատվում են այս դեպքում՝ ծարավն են, բերանի չորությունը եւ հաճախամիզությունը, նշում է Ռոմանենկոն։

«Պետք է ուշադրություն դարձնել քորին, սեռական օրգանների պարբերական բորբոքային հիվանդություններին։ Դա շատ հաճախ կապված է արյան մեջ գլյուկոզայի մակարդակի բարձրացման հետ»,- խորհուրդ է տվել թերապեւտը։

Բացի այդ, շաքարային դիաբետի դեպքում մարդը կարող է թարախային ցան ունենալ մաշկի վրա, ընդհանուր թուլություն, հոգնածություն եւ ասթենիա, շարունակել է մասնագետը:

«Շաքարային դիաբետի բարդությունը դա արդեն մկանային ցավն է, մատների ու ձեռքերի թմրածությունը։ Այդ ամենը եւս կարող է շաքարախտի ախտանիշներ լինել», - ասում է Ռոմանենկոն։

Մասնագետը խորհուրդ է տալիս անպայման խորհրդակցել բժշկի հետ եւ արյան անալիզ հանձնել՝ շաքարի մակարդակը որոշելու եւ անհրաժեշտ դեղամիջոցներ ընտրելու համար։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։