• Latest news

Ո՞ւմ չի կարելի արեւայրուք ստանալ

2 հուլիսի, 2022  21:34

Ոչ բոլոր մարդկանց է հավասարապես օգտակար արեւի ճառագայթների ազդեցության տակ գտնվել: Արեւի տակ մարդու անցկացրած ժամանակը կախված է Ֆիտցպատրիկի սանդղակով նրա արտաքին տեսակից, «Վեչեռնյայա Մոսկվա»-ին պատմել է մաշկաբան Ելենա Սկորոգուդաեւան։

Մաշկաբանը առաջին տեսակին է վերագրել կապուտաչյա եւ բաց մազերով կամ կարմիր մազեր եւ վարդագույն մաշկ ունեցողներին։

«Այս տեսակի մարդիկ ավելի շատ են ենթակա արեւի բացասական ազդեցությանը, քանի որ նրանք չեն սինթեզում մելանինը (բնական պիգմենտ, որը պաշտպանում է մաշկը ուլտրամանուշակագույն ճառագայթումից): Ուստի մարդկանց այս խմբին հակացուցված է երկար մնալ արեւի տակ։ Նրանք չեն արեւայրում, այլ անմիջապես այրվում են։ Բացի այդ, նրանք ավելի շատ են հակված ֆոտոինդուկտիվ ծերացման եւ մելանոմայի, քան մյուս մարդիկ, քանի որ արեւապաշտպանություն չի ձեւավորվում»,- նշել է մասնագետը։

Երկրորդ տեսակը կապուտաչյա եւ բաց մազերով մարդիկ են, քանի որ նրանք ավելի շատ են հակված ռոզացեայի, իսկ արեւը որպես սադրիչ է գործում այս հիվանդության առաջացման համար։

Մաշկաբանը թխամորթներին վերագրել է երրորդ, չորրորդ, հինգերորդ եւ վեցերորդ տեսակներին։

«Այս տեսակի մարդիկ ամենադիմացկունն են արեւի լույսի նկատմամբ։ Նրանց մոտ անհրաժեշտ պիգմենտ (մելանին) է ձեւավորվում, որը պաշտպանում է մաշկը արեւից։ Այն որպես հակաօքսիդանտ եւ որպես ֆիլտր է գործում վտանգավոր ճառագայթների դեմ»,- հավելել է Սկորոգուդաեւան։

Մաշկաբանը նաեւ նշել է, որ արեւի տակ մնալու տարիքային սահմանափակումներ չկան, սակայն անհրաժեշտ է հաշվի առնել մաշկային հիվանդությունների առկայությունը կամ բացակայությունը՝ մելանոմայի, ռոզացեայի, պապիլոմավիրուսային վարակի, մաստոպաթիայի։ Արեւը կարող է սրել դրանք:


Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել