Ինչպես՞ նիհարել կոճապղպեղի օգնությամբ

Ոչ մեկի համար գաղտնիք չէ, որ ցանկացած մարդ դիետայի ժամանակ դժվարություններ է ունենում։ Կոճապղպեղը կօգնի հասնել ավելի արագ եւ լավ արդյունքների։ Ինչպե՞ս ավելի ճիշտ օգտագործել այն, որպեսզի նիհարելը չվնասի առողջությանը, «Вечерняя Москва-ին ասել է սննդաբան Միխայիլ Գինզբուրգը։

Նրա խոսքով՝ այդ արմատը հզոր զենք է ավելորդ քաշի դեմ պայքարում, եթե դիետա պահպանվի եւ ֆիզիկական վարժություններ կատարվեն։

«Կոճապղպեղը կարող է լավ օգնական դառնալ նիհարելու հարցում։ Բայց արժե հետեւել ճիշտ սնվելուն, քնին, մարզվել եւ ամեն օր կշռվել։ Այս ամենի հետ միասին կոճապղպեղը կարող է մեծացնել դիետայի էֆեկտը»,- ասել է Գինզբուրգը։

Սննդաբանը բացատրել է, որ գոյություն չունեն որոշակի կանոններ, թե ինչպես եւ որքան կոճապղպեղ պետք է օգտագործել նիհարելու ժամանակ։ Դա շատ անհատական պրոցես է։

«Եթե մարդն օրական 10-20 գրամ կոճապղպեղ ուտի, այն անպայման կօգնի նիհարել։ Այն ընդհանուր առմամբ օգնում է նյութափոխանակության բարելավմանը։ Բայց չկան հետազոտություններ, որոնք կապացուցեին դրա արդյունավետությունը որոշակի չափաբաժիններով»,- ընդգծել  է փորձագետը։

Մասնագետը նաեւ նշել է  կոճապղպեղը սննդաբաժնում ընդգրկելու պարզ եւ գործուն միջոց. դա կոճապղպեղի թեյն է։

 Ընդ որում՝ սննդաբանը նախազգուշացրել է, որ ստամոքսի հիվանդություններ ունեցող մարդկանց չի կարելի կոճապղպեղ օգտագործել ոչ մի ձեւով։

Հետևեք NEWS.am Medicine-ին Facebook-ում և Twitter-ում