• Latest news

Ինչ է տեղի ունենում օրգանիզմի հետ, երբ արյան մեջ շաքարի մակարդակը բարձրանում է

17 օգոստոսի, 2022  09:44

Հիպերգլիկեմիան կամ արյան մեջ գլյուկոզայի բարձր մակարդակը տեղի է ունենում, երբ արյան մեջ շատ շաքար կա: Դա տեղի է ունենում, երբ օրգանիզմում ինսուլինը (հորմոնը, որը գլյուկոզա է տեղափոխում արյուն) չափազանց քիչ է, կամ երբ օրգանիզմը  չի կարողանում ճիշտ օգտագործել ինսուլինը: Ամենից հաճախ այդ վիճակը կապված է շաքարախտի հետ, նշում է Քլիվլենդի կլինիկան: Eat This, Not That! պորտալը զրուցել է հիվանդների խնամքի ավելի քան 15 տարվա փորձ ունեցող բժիշկ Շոն Մարչեզեի հետ, ով բացատրել է, թե ինչպես է արյան մեջ շաքարի բարձր մակարդակը կարող ազդել օրգանիզմի վրա:

Մարչեզեի խոսքով՝ արյան մեջ շաքարի չափազանց ցածր մակարդակը կարող է գլխացավի, նյարդային խանգարումների եւ գլխապտույտի հանգեցնել: Արյան մեջ շաքարի ցածր մակարդակը կարող է անհասկանալի խոսք, մշուշոտ տեսողություն, գիտակցության կորուստ եւ նոպաներ առաջացնել, եթե այն չբուժել:

Մասնագետը բացատրել է, որ արյան մեջ շաքարի բարձրացման ռիսկի զգալի գործոններից են հիպերտոնիան, գիրությունը, հղիության ընթացքում շաքարախտը, բարձր խոլեստերինը կամ 2-րդ տիպի շաքարախտի ընտանեկան պատմությունը:

Մարչեզեն պատմել է, որ արյան մեջ շաքարի բարձր մակարդակը կարող է ջրազրկել օրգանիզմի հյուսվածքները: Քանի որ ձեր արյան մեջ շաքարը բարձրանում է, օրգանիզմը ծարավ է զգում կորցրած ջուրը լրացնելու եւ ավելորդ շաքարն օրգանիզմից դուրս բերելու համար:
«Երիկամները պատասխանատու են ավելորդ գլյուկոզայի մշակման համար,- բացատրել է մասնագետը։- Արյան մեջ շաքարի բարձրացումը ավելի հաճախ միզելու է հանգեցնում, քանի որ օրգանիզմը վերամշակում է ավելորդ գլյուկոզան եւ դուրս է բերում այն»:

Մարչեզեն ընդգծել է, որ արյան մեջ բարձր շաքարի պատճառով ջրազրկումը կարող է մաշկի վնասման հանգեցնել, այդ թվում՝ չորության, քորի եւ ճաքերի։ Վնասված մաշկը կարող է վարակի բարձր ռիսկի հանգեցնել , ինչը կարող է լուրջ բարդություններ առաջացնել արյան մեջ խրոնիկ բարձր շաքարով մարդկանց մոտ:

Գլյուկոզայի բարձր մակարդակը կարող է նաեւ վնասել աչքերի արյունատար անոթներն ու նյարդերը, ինչը կարող է տեսողության մշտական ​​կորստի հանգեցնել։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է