Գիտնականներն ապացուցել են առաջին դեղամիջոցի արդյունավետությունը քնի օբստրուկտիվ ափնոեի համախտանիշի բուժման համար

Սան Դիեգոյի Կալիֆոռնիական համալսարանի Բժշկական դպրոցի հետազոտողները միջազգային գործընկերների հետ համատեղ գլխավորել են առաջավոր հետազոտությունը, որը ցուցադրել է տիրզեպատիդի, որը հայտնի է 2-րդ տեսակի դիաբետի բուժման համար, պոտենցիալը որպես քնի օբստրուկտիվ ափնոեի (ОСА) առաջին արդյունավետ դեղային թերապիա։ Դա քնի խանգարում է, որը բնութագրվում է անկանոն շնչառության կրկնվող դրվագներով վերին շնչուղիների լիակատար կամ մասնակի փակման պատճառով։

New England Journal of Medicine-ում հրապարակված արդյունքները ընդգծում են բուժման արդյունավետությունը ողջ աշխարհում ОСА-ով տառապող միլիոնավոր մարդկանց կյանքի որակի բարելավման գործում։

Նոր հետազոտությանը մասնակցել է 469 մարդ կլինիկական ճարպակալմամբ եւ ծանրության միջին ու ծանր աստիճանի ОСА-ով։ Մասնակիցները կամ օգտագործել, կամ չեն օգտագործել շնչուղիների ճնշման անընդհատ բարձրացման թերապիա (CPAP)։ Սա քնի ժամանակ ափնոեի բուժման ամենատարածված մեթոդն է, երբ օգտագործվում է սարք շնչուղիները բաց պահելու համար։

Պացիենտներին ներարկել են 10 կամ 15 միլիգրամ դեղ կամ պլացեբո։ Տիրզեպատիդի արդյունավետությունը գնահատվել է 52 շաբաթվա ընթացքում։

Հետազոտողները հայտնաբերել են, որ տիրզեպատիդը հանգեցրել է շնչառության ընդհատման քանակի զգալի նվազման, ինչը կարեւոր է ОСА-ի ծանրությունը գնահատելու համար։

Այս բարելավումը շատ ավելին է եղել, քան պլացեբո ստացող մասնակիցների մոտ։

Որոշ մասնակիցների մոտ, որոնք օգտագործել են դեղը, եղել է շրջան, երբ СРАР-թերապիայի անհրաժեշտությունը վերացել է։ Տվյալները վկայում են այն մասին, որ դեղորայքային թերապիան ինչպես ափնոեի, այնպես էլ ճարպակալման դեմ ավելի արդյունավետ է, քան այդ վիճակներից մեկի բուժումը։

Դեղորայքային թերապիան բարելավել է ОСА-ի հետ կապված այլ ասպեկտներ, ինչպիսին են սիրտ-անոթային հիվանդությունների ռիսկի գործոնների նվազումը եւ մարմնի զանգվածի բարելավումը։ Առավել տարածված կողմնակի ազդեցությունը, որի մասին տեղեկացվել է, ստամոքսի հետ կապված թեթեւ խնդիրներն են եղել։

Հետևեք NEWS.am Medicine-ին Facebook-ում և Twitter-ում