Հոկտեմբերի 16-ին ալերգոլոգ-իմունոլոգները նշում են մասնագիտական տոնը:
«Ալերգիա» եզրույթն առաջին անգամ գործածել է հունգարացի մանկաբույժ Կլեմենս Ֆոն Պիրկեն, 1906 թվականին: Այդ ժամանակ հենց նա է առաջին անգամ նկատել, որ որոշ հիվանդների մոտ որոշ նյութերի, օրինակ՝ փոշու, սննդամթերքի եւ այլնի պատճառով տարօրինակ ախտանշաններ են ի հայտ գալիս: Այդ նյութերը նա կոչում է ալերգեններ, իսկ երեւույթը՝ ալերգիա:
Եվ այսպես, ի՞նչ է ալերգիան: Դա որոշակի նյութերի հանդեպ բարձր զգայունություն է եւ օրգանիզմում այդ նյութերի հայտնվելու արդյունքում մարդու իմունային համակարգի պատասխանը:
Ամենից տարածված ալերգեններն են.
• Դեղամիջոցները
• Ծաղկափոշին
• Ցիտրուսները
• Կաթը
• Կենդանիների բուրդը
• Մեղվի խայթոցը
• Խավարասերները
• Բորբոսը
• Լատեքսը
Ցավոք, ալերգիայի տարբեր ձեւերով տառապող մարդկանց թիվն օրեցօր աճում է: Որոշ երեխաներ էլ ծնվում են ալերգիկ բազմաթիվ ռեակցիաներով: Ալերգիայի տարածման պատճառը, ամենայն հավանականությամբ, այն է, որ ծխելու վնասակար ազդեցության, ալկոհոլի չարաշահման, սթրեսների, ինչպես նաեւ շրջակա միջավայրի աղտոտման հետեւանքով մարդկանց իմունային համակարգը թուլանում է, եւ ավելի դժվար է դառնում բացահայտել, թե իրականում ինչն է վտանգավոր օրգանիզմի համար, ինչը՝ անվտանգ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր