Երեխաները սովորաբար ամեն ինչ անում են ննջելուց խուսափելու համար, սակայն մեծահասակները հաճախ չեն էլ զգում, թե ինչպես ննջեցին: Fox News-ը պարզել է, թե ինչպիսի ազդեցություն կարող է ունենալ օրվա ընթացքում ննջելը մեր գիշերային քնի որակի վրա:
Մեր մարմնի ժամացույցը քնկոտության զգացում է առաջացնում առավոտյան 3-ից մինչեւ 5-ն ընկած ժամանակահատվածում եւ մի փոքր էլ կեսօրին:
Ինչքան երկար եք արթուն մնում, այնքան կարող եք խորը քնել գիշերվա ընթացքում: Գիտնականների կարծիքով սա պայմանավորված է ուղեղում ադենոզին կոչվող նեյրոհաղորդիչով, որի կոնցենտրացիան աճում է արթուն ժամանակ:
Ննջելը նպաստում է, որպեսզի ուղեղն արագորեն ազատվի ադենոզինից, ուստի Դուք գիշերը կարող եք դժվարությամբ քուն մտնել: Ինչեւէ, օրվա ընթացքում կարճ ժամանակով ննջելը նաեւ իր առավելություններն ունի:
Հետազոտությունների համաձայն՝ օրվա կեսին ննջող մարդիկ 20 տոկոսով ավելի լավ են հիշողության վարժություններ կատարում, քան նրանք, ովքեր չեն ննջում: Հետազոտողները պնդում են, որ քունը կարող է մաքրել կարճաժամկետ հիշողության համար պատասխանատու գլխուղեղի հիպոկամպ կոչվող հատվածը նոր տեղեկատվության համար: Բայց պետք է նշել, որ երկար ժամանակով ննջելը կարող է Ձեզ թուլացնել, ուստի փորձեք ննջել 20 րոպեով կամ ավելի պակաս:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր