Նախագահության թեկնածու Դոնալդ Թրամպը եւ Կոմիկ Հոուի Մանդելը հերմոֆոբներ են` մարդիկ, որոնք մաքրության մոլուցք ունեն եւ վախենում են բակտերիաներից ու մանրէներից: Նրանք նույնիսկ հրաժարվում են իրար ձեռք սեղմել:
Ոմանց նման պահվածքը կարող է շատ տարօրինակ թվալ, բայց վարակաբաններն ասում են, որ մեզ էլ չէր խանգարի հետեւել հերմոֆոբների որոշ սովորությունների:
Ձեզ ենք ներկայացնում այդ օգտակար սովորույթներից մի քանիսը.
1. Շունչը պահեք, երբ մոտերքում ինչ-որ մեկը փռշտում է
Բժիշկ Ջեյքըբ Թեյթըլբաումը խորհուրդ է տալիս շունչը պահել, եթե մոտերքում ինչ-որ մեկը փռշտում է: Լավ միտք է նաեւ շրջվելը: Դա կօգնի, որ մանրէները ձեր օրգանիզմ չընկնեն:
2. Կանոնավոր կերպով մաքրեք հեռախոսը
Մեր բջջային հեռախոսների մակերեւույթին շատ բակտերիաներ կան, որոնք կարող են օրգանիզմ ներթափանցել աչքով, բերանով, քթով կամ ականջով: Դրա համար էլ մասնագետները խորհուրդ են տալիս հեռախոսը կանոնավոր կերպով մաքրել հակաբակտերիալ անձեռոցիկներով: Նույնը վերաբերում է դռան բռնակներին, համակարգչի ստեղնաշարին եւ մկնիկին:
3. Գազամղիչին ձեռք տալուց հետո լվացեք ձեռքերը
Գազամղիչները ամենակեղտոտ առարկաների ցուցակի մեջ են մտնում, դրա համար էլ հատուկ խորհուրդ ենք տալիս խնամքով մաքրել դրանք կամ ձեռքերը լվալ դրանց օգտագործումից հետո:
4. Պայուսակների հետ զգույշ վարվեք
Պայուսակը գետնին մի դրեք, փորձեք կախել: Արժե նաեւ ժամանակ առ ժամանակ մաքրել հակաբակտերիալ միջոցներով:
5. Հասարակական զուգարաններում զգույշ եղեք
Հասարակական զուգարաններում ձեզ բազմաթիվ վտանգներ են սպասում. Դռան բռնակները, փականները, հեղուկ օճառի մղիչները եւ իհարկե զուգարանակոնքերը, որոնք լի են բակտերիաներով եւ վարակահարուցիչներով: Այդ ամենին ձեռք տվեք բացառապես անձեռոցիկներով, իսկ դռները փորձեք ոտքով բացել:
6. Ուշադիր եղեք սեփական զուգարանում
Սեփական զուգարանում ջուրը քաշելուց առաջ, անպայման կափարիչով փակեք. դա կանխարգելում է ջրի բակտերիաների` օդին փոխանցվելը: Ատամի խոզանակները ծածկեք հատուկ գլխիկներով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր