Զարհուրելի տեսագրությունը ցույց է տալիս կնոջ աչքում գալարվող որդին (տեսանյութ)

Այս սահմռկելի տեսագրությունում երեւում է, թե ինչպես է կնոջ աչքի մեջ երկար ու սպիտակ որդ գալարվում, իսկ բժիշկը մանրադիտակով զննում է այն: Ընդ որում, կինը, կարծես, ցավ չի զգում, հանգիստ թարթում է՝ մինչ բժիշկն ուսումնասիրում է նրա աչքը:

Տեսագրությունում երեւացող որդը նեմատոդ է (ասկարիդ): Այդ որդերի ավելի քան 15 000 տարատեսակ կա: Մի քանիսը շատ փոքր են, դրանք կարելի է տեսնել միայն մանրադիտակով, իսկ մյուսների երկարությունը կարող է մինչեւ երկու մետրի հասնել: Ասկարիդների շատ տեսակներ կարող են մարդկանց վտանգավոր հիվանդություններով վարակել:

Սովորաբար դրանք հայտնվում են մարդու օրգանիզմում վատ պատրաստված մսի կամ էլ մարդկանց ու կենդանիների արտաթորանքների հետ շփումների միջոցով: Վարակվել կարելի է նաեւ կեղտոտ ջրի միջոցով:

Բրիստոլի համալսարանի կենսաբանության պրոֆեսոր Մարք Ուայնի խոսքով, նեմատոդները սովորաբար աչքի մեջ են հայտնվում միջատների պատճառով. միջատի խայթոցից հետո որդի թրթուրները հայտնվում են մարդու մարմնի մեջ: Թրթուրից դուրս է գալիս որդը, մեծանում ու սերունդ տալիս: Դրա սերունդը կարող է տեղաշարժվել մարմնով մեկ ու հայտնվել նաեւ աչքի մեջ:

Կնոջ անունն անհայտ է: Հայտնի չէ նաեւ, թե որ կլինիկայում է նկարահանվել տեսանյութը:

Հետևեք NEWS.am Medicine-ին Facebook-ում և Twitter-ում