Երեք տարեկան Օլլի Ուոլլսն ուրախ ծիծաղեց, երբ անծանոթ տղամարդը գրկեց նրանց, բարձրացրեց գլխից շատ վեր: Նա չգիտեր, որ այդ տղամարդը երկու տարի առաջ փրկել է իր կյանքը. առանց նրա, Օլլին այժմ հազիվ թե ողջ լիներ:
2 տարի առաջ Օլլին մահամերձ էր իմունային համակարգի հազվագյուտ հիվանդության պատճառով, եւ նրա ծնողները միայն հրաշքի վրա էին հույս դրել: Հենց այդ ժամանակ 26-ամյա Լյուկը, տեսնելով հոջինյան լիմֆոմայի պատճառով մահացած Էլիս Փայնի մասին փատագրական ֆիլմը, որոշել էր գրանցվել ցողունային բջիջների տվյալների բազայում` մտածելով, որ մի օր կկարողանա փրկել ինչ-որ մեկի կյանքը:
Ինչպես պատմել է Օլլիի մայրը` 41-ամյա Ջենիֆերը, Օլլիի մոտ հեմոֆագոցիտային լիմֆոհիստիոցիտոզ էին ախտորոշել 2012-ի օգոստոսին, երբ նա ընդամենը 4 շաբաթական էր: Եվս 4 շաբաթ անց նա սկսեց քիմիաթերապիա ստանալ:
«Երբ Օլլին 4 ամսական էր, նրա մարմինը սկսեց մեռնել. նրա ներքին օրգանները չափազանց թույլ էին բուժումից հետո: Մենք կարծում էինք, թե կկորցնենք նրան եւ բժիշկները նույնիսկ սկսել էին մտածել նրան կենսաապահովման համակարգից անջատելու մասին: Հենց այդ ժամանակ մեզ ասացին, որ նրան շտապ ոսկրածուծի փոխպատվաստում է անհրաժեշտ», - պատմել է Ջեննիֆերը:
Երեք ամիս անց գտան Լյուկին, որը գենետիկորեն համատեղելի էր Օլլիի հետ եւ կարող էր նրա համար դոնոր լինել:
«Երբ ինձ զանգեցին եւ ասացին, որ կարող եմ երեխայի համար համապատասխան դոնոր լինել, ես շատ ուրախացա», - այժմ վերհիշում է Լյուկը:
Չորս ժամվա ընթացքում Լյուկից ցողունային բջիջներ վերցրեցին, հետո դրանք ներմուծեցին Օլլիի օրգանիզմ:
Ընդամենը մեկ ամիս անց Օլլին անճանաչելի էր. նրա հայրը` Ռոջերը պատմել է, որ բազմաթիվ սարքերի միացված ահույս տղայից նա վերածվել էր էներգիայով լի, ժպտացող եւ շփվող երեխայի:
Հենց այդպիսին նրան տեսավ Լյուկը Զատկի տոներից հետո հանդիպման ընթացքում: Երեխան նրան նկարազարված Զատկի բացիկ եւ ձու նվիրեց:
«Աներեւակայելի է, որ մենք վերջապես հանդիպել ենք: Ես միշտ ուզում էի իմանալ, թե ինչ է եղել նրան եւ ինչ տեսք ունի այժմ: Ես այնքան շատ էի մտածում նրա մասին վերջին 3 տարվա ընթացքում» - պատմել է Լյուկը:
«Առանց քեզ, հիմա նա այստեղ չէր լինի: Մենք ամեն ինչ համար շնորհակալ ենք քեզ: Բառերով արտահայտել չի լինի, թե ինչքան ենք շնորհակալ քեզ», - Լյուկին ասել է Ջեննիֆերը` Օլլիի մայրը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր