Առողջապահության փորձգետները նշում են , որ այս ամիս կտրուկ աճել է պալարախտի, գրիպի, հարբուխի վիրուսով եւ այլ շնչական հիվանդություններով վարակելիության աստիճանը:

Ֆլորիդայի նահանգի Մելբուրնի որակավորված ընտանեկան բժիշկ եւ Բրեվարդի շրջանի բժշկական միության նախագահն ասում են, բժշկական գիտությունների դոկտոր Ստեֆան Հարիդոպոլոսը, որ հնարավոր է միջոցներ ձեռք առնել՝ նվազագույնի հասցնելու համար այդ ռիսկերը եւ տոները երջանիկ եւ առողջ անցկացնելու համար:

Առաջին հերթին դեռ ուշ չէ գրիպի դեմ պատվաստում ստանալու համար: Այս տարի մի քանի նոր տարբերակներ կան, այդ թվում՝ չորսը մեկում նոր պատվաստանյութ, որը պաշտպանում է  չորս տարբեր շտամներից՝ երկու A տիպի շտամ եւ երկու B տիպի, տեղեկացնում է Newsmax Healthy-ը։

Ահա մի քանի այլ քայլեր, որոնք  կօգնեն տոնական շրջանում ճանապարհորդող մարդկանց  չվարակվել հարբուխով, գրիպով կամ այլ վարակային հիվանդություններով:

Ձեր հետ վերցրեք հակասեպտիկ անձեռոցիկներով տուփ եւ դրանք օգտագործեք ինքնաթիռում սեղանիկները, զուգարանակոնքը, եւ մնացած ամեն-ինչը, ինչին դուք դիպչում եք, մաքրելու համար:

Մի ամաչեք խնդրել, որ ձեզ տեղափոխեն, եթե ձեր կողքի նստած մարդը հազում է: Իսկ ավելի լավ է ձեր հետ դիմակ վերցրեք, որը կարելի է կրել, եթե կասկածում եք , որ ձեր կողքին հիվանդ մարդ կա:

Ձեր գլխավերեւում տեղակայված «gaspers»  օդամղիչը  լավ բացեք, այն լավացնում է օդի միկրոշրջանառությունը, եւ օդամղիչի գլխիկը այնպես կարգգավորեք , որպեսզի օդը ձեր դեմքի դիմացով անցնի՝ օդում առկա ցանկացած մանրէները ձեր դեմքի մոտից ցրելու համար:

Աշխատեք նստել ինքնաթիռի դիմացի հատվածում , որտեղ  օդափոխխությունն ավելի լավ է, եւ խուսափեք շարքերի եզրում նստելուց, այստեղ հիվանդ ուղեւորների հետ շփումը ավելի շատ է:

Ուժեղացրեք ձեր իմունային համակարգը՝ ակտիվ կենսակերպ վարեք, նորմալ սնվեք եւ լավ հանգստացեք ճամփորդության նախօրեին:

Հաճախակի լվացեք ձեռքերը կամ մանրէազերծող անձեռոցիկներ օգտագործեց ինքնաթիռում եւ դրանից հետո:

Ջուր խմեք կամ  քթի աղային լուծույթով սփրեյ օգտագործեք՝ քթային անցուղիները խոնավացնելու համար: Ինչպես հայտնի է, օդը ինքնաթիռում  չոր է, ինչի պատճառով ձեր լորձաթաղանթները կարող են չորանալ, ինչն էլ կարող է բարձրացնել շնչական վարակներով  վարակվելու ռիսկը: Մի օգատգործեք ինքնաթիռի բարձերը կամ ծածկոցները՝ դրանք կարող են նախկին ուղեւորների մանրէներով վարակված լինել:

Եւ վերջապես բժիշկ Հարիդոպոլոսը ձեր եւ ձեր ճանապարհորդային ընկերների բարվոքության համար  խորհուրդ է տալիս  ընդհանրապես չճանապարհորդել, եթե դուք հիվանդ եք: Որոշ ավիաընկերություններ նույնիսկ հրաժարվում են տոմսի արժեքից, եթե դուք  հրաժարվում եք ձեր թռիչքից հիվանդության պատճառով:

Եթե դուք վարակվել եք գրիպով , ապա Տամիֆլյուի նման  հակավիրուսային դեղամիջոցների   ընդունումը ախտանշանների առաջացումից մեկ-երկու օր անց, կարող է նվազեցնել ախտանշանները, կրճատել հիվանդության տեւողությունը եւ կանխարգելել ռեսպիրատոր դիսթրես համախտանիշի նման  լուրջ բարդությունների զարգացումը: