նախընտրելի դարձնել
Վարսակաշիլան բոլոր իմաստներով իդեալական ուտեստ է՝ նախաճաշի համար: Սակայն, կրկնությունից չհոգնելու նպատակով, դիետոլոգ Լաուրա Ջեֆերսը՝ Քլիվլենդի կլինիկայից, առաջարկում է ոչ միայն համեղ, այլ նաեւ օգտակար վարսակաշիլայի պատրաստման տարատեսակ միջոցների ծանոթանալ:
1. Մի փոքր պահածոյացված դդում, 1 ճաշի գդալ թխկու օշարակ եւ մի փոքր «պեկան» տեսակի ընկույզ ավելացրեք:
Ինչո՞ւ է օգտակար. ուտեստը հարուստ է А վիտամինով եւ հակաօքսիդանտներով
2. 1 թեյի գդալ քրքում, 1/2 թեյի գդալ դարչին, 1 ճաշի գդալ հապալասի կամ լոռամրգու չորացրած պտուղներ, 1 թեյի գդալ մեղր եւ 1/2 բաժակ նուշի կաթ ավելացրեք:
Ինչո՞ւ է օգտակար. ուտեստը հակաբորբոքային ազդեցություն է ապահովում
3. 1 ճաշի գդալ կոկոսի յուղ, 1 ճաշի գդալ բարակ կտրտած մուգ շոկոլադ եւ 1 ճաշի գդալ մանրացված նուշ ավելացրեք:
Ինչո՞ւ է օգտակար. ուտեստը հարուստ է լաուրինաթթվով եւ Е վիտամինով
4. 1/2 բաժակ խորանարդիկներով կտրտած թարմ խնձոր, 1 թեյի գդալ դարչին եւ 1 ճաշի գդալ մանրացված հունական ընկույզ ավելացրեք:
Ինչո՞ւ է օգտակար. ուտեստը հարուստ է սննդային բջջանյութով եւ կարող է արյան մեջ շաքարի մակարդակի կարգավորման հանգեցնել
5. 1/4 թեյի գդալ աղացած հիլ, դարչին, մեխակ եւ սեւ պղպեղ, 1/2 բաժակ կաթ, 1 ճաշի գդալ մեղր եւ 1 ճաշի գդալ պիստակ ավելացրեք:
Ինչո՞ւ է օգտակար. ուտեստը հարուստ է հակաօքսիդանտներով եւ կարող է մարսողության բարելավման հանգեցնել
6. 1 ճաշի գդալ գետնանուշի յուղ, կես կտրտած բանան, կես թեյի գդալ դարչին եւ կես բաժակ սոյայի կաթ ավելացրեք:
Ինչո՞ւ է օգտակար. ուտեստը հարուստ է B վիտամիններով, սպիտակուցներով եւ կալիումով
7. 1/4 թեյի գդալ վարդաջուր, 1 թեյի գդալ մեղր եւ 1 ճաշի գդալ մանրացված պիստակ ավելացրեք:
Ինչո՞ւ է օգտակար. ուտեստը հարուստ է սննդային բջջանյութով, կալիումով եւ К վիտամինով
8. 2 ճաշի գդալ չամիչ, 1 թեյի գդալ դարչին եւ 1 ճաշի գդալ շագանակագույն շաքար ավելացրեք:
Ինչո՞ւ է օգտակար. ուտեստը հարուստ է սննդային բջջանյութով եւ երկաթով
9. 1/4 բաժակ թարմ հապալաս, 1 ճաշի գդալ մաթ եւ 1 թեյի գդալ դարչին ավելացրեք:
Ինչո՞ւ է օգտակար. ուտեստը հակաօքսիդանտներ, երկաթ, կալցիում եւ մագնիում է պարունակում
10. 1/4 բաժակ թարմ կտրտած մանգո, 1 ճաշի գդալ հարած ոչ քաղցր կոկոս, 1/4 թեյի գդալ հիլ եւ 1 թեյի գդալ ագավայի նեկտար ավելացրեք:
Ինչո՞ւ է օգտակար. ուտեստը հարուստ է С եւ А վիտամիններով
Դիետոլոգը նաեւ խորհուրդ է տալիս խուսափել արագ պատրաստվող վարսակաշիլայից եւ միայն եփման ենթական օգտագործել. այն շատ ավելի օգտակար է եւ վնասակար հավելումներ, բուրավետիչներ ու աղ չի պարունակում:
