նախընտրելի դարձնելGoogle ընկերությունը ներկայացրել է նոր լինզաներ, որոնք վերահսկում են գլյուկոզայի մակարդակը արցունքի մեջ, եւ կոչված են թեթեւացնել միլիոնավոր շաքարախտով հիվանդների կյանքը, ովքեր օրը 10 անգամ ծակում են իրենց մատը:
Սարքը, որն ըստ Google ընկերության աշխատակիցների, սպառողներին հասանելի կդառնա հինգ տարի հետո, մեկն է այն բժշկական սարքավորումներից ,որոնք կոչված են գլյուկոզայի մակարդակի հկսողությունը ավելի հարմարավետ եւ քիչ ինվազիվ դարձնել, ի տարբերություն դասական գլյուկոմետրի:
Լինզաները, որոնք օգտագործում են գլյուկոզայի փոքրագույն ընկալիչներ եւ անլար հաղորդիչներ, կօգնեն ինսուլինի կարիք ունեցող 382000000 շաքարախտով հիվանդներին վերահսկել արյան մեջ շաքարի մակարդակը եւ կարգավորել դեղաչափերը:
Լինզաները մշակվել են վերջին 18 ամիսների ընթացքում Google X գաղտնի լաբորատորիայում, որտեղ ստեղծվել են առանց վարորդի մեքենան, Google-Glass ակնոցը եւ իտերնետը անհասանելի վայրեր առաքող Project Loon օդապարիկները։
Շաքարի Ամերիկյան Ասոցացիայի վարչության նախագահ Դուայթ Հոլինգը իր գոհունակությունն է հայտնել այն բանի կապակցությամբ, որ ստեղծագործ գիտնականներիը լուծում են փնտրում շաքարախտով մարդկանց համար, բայց զգուշացրել է, որ սարքը պետք է ժամանակին եւ ճիշտ տեղեկություններ հաղորդի:
Սարքավորումը սովորական լինզայի տեսք ուներ, երբ առաջատար հետազոտող Բրայան Օտիսը ցուցադրեց այն իր մատի վրա, հաղորդում է Newsmax Health-ը:
Google թիմը հավաքել է անլար միկրոսխեմաները ստերիլ պայմաններում, կիրառելով առաջատար ճարտարագիտական տեխնոլոգիաներ՝ լինզայի մեջ տեղավորվող ինտեգրալ սխեմաներ եւ գլյուկոզայի տվիչներ արտադրելու համար: Google-ի ղեկավարությունը հրաժարվել է հաղորդել, թե քանի մարդ է աշխատել այս ծրագրի վրա, ու որքան ներդրում է կատարել ընկերությունը։
Ծովափնյա Սանտա-Կրուս քաղաքի միջնակարգ դպրոցի ֆուտբոլի մարզիչ, 21-ամյա Մայքլ Վահրադյանը պատրաստ է իր վրա փորձարկել գլյուկոզայի մոնիտորինգի քիչ ինվազիվ մեթոդը: Նա 17 տարի շարունակ օրը 10 անգամ գլյուկոմետրով ծակել է մատը:
