Լոնդոնի Մարիա թագուհու համալսարանի եւ Թ.Չանի անվան հանրային առողջապահության Հարվարդյան դպրոցի ղեկավարությամբ իրականացված խոշոր կլինիկական հետազոտությունը ցույց է տվել, որ D վիտամինի հավելումները չեն ավելացնում երեխաների ոսկորների ամրությունը եւ չեն կանխում կոտրվածքները D վիտամինի դեֆիցիտ ունեցող երեխաների մոտ։ Այսպիսով, ստացված արդյունքները հերքում են լայնորեն տարածված պատկերացումը ոսկորների առողջության վրա D վիտամինի ազդեցության մասին։
Հետազոտության արդյունքները, որը համարվում է ամենամեծն իր տեսակի մեջ, հրապարակվել են The Lancet Diabetes & Endocrinology ամսագրում։
Ներկայացված վիճակագրության համաձայն՝ երեխաների մոտ մեկ երրորդը գոնե մեկ անգամ կոտրվածք է ունենում մինչեւ 18 տարեկանը։
Վերջին տարիներին ավելի մեծ հետաքրքրություն է առաջացնում D վիտամինի հավելումների կիրառման հնարավորությունը ոսկորների ամրությունն ավելացնելու համար։ Սակայն կլինիկական փորձեր, որոնք ոււղված են այն բանին, որ ստուգվի, թե արդյոք D վիտամինի հավելումները կարող են կանխել երեխաների ոսկորների կոտրվածքները, մինչ այժմ չեն կատարվել։
Նոր հետազոտության շրջանակում Մոնղոլիայում ապրող 6-13 տարեկան 8 851 երեխա երեք տարվա ընթացքում ամեն շաբաթ ստացել է D վիտամին։
Մասնակիցների 95,5 տոկոսը ունեցել է D վիտամինի պակաս սկզբնական մակարդակում, եւ հավելումները, որոնք ընդունվել են հետազոտության ընթացքում, բավական արդյունավետ են եղել մինչեւ նորմալ մակարդակ D վիտամինի մակարդակի բարձրացման համար։
Սակայն դրանք չեն ազդել կոտրվածքների հավանականության եւ ոսկորների ամրության վրա, ինչը չափվել է քանակային ուլտրաձայնային հետազոտության օգնությամբ 1 438 մասնակիցների ենթախմբում։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր