Մանկական տրավմաները մեծացնում են հասուն տարիքում քրոնիկական ցավի վտանգը. ուսումնասիրություն

Ֆիզիկական, սեռական, էմոցիոնալ բռնությունը կամ անտեսումը, ինչպես առանձին, այնպես էլ մանկական այլ տեսակի տրավմաների հետ միասին մեծացնում են հասուն տարիքում խրոնիկական ցավի և դրա հետ կապված հաշմանդամության վտանգը, ասվում է նոր հետազոտությունում:

Հետազոտությունն ուսումնասիրում է 75 տարվա ընթացքում անցկացված ուսումնասիրությունների արդյունքները, որին մասնակցել են 826 452 մեծահասակներ: European Journal of Psychotraumatology-ում հրապարակված հետազոտությունը ցույց է տալիս, որ մարդիկ, ովքեր մանկության տարիներին ենթարկվել են տարբեր ձևերի տրավմատիկ իրադարձությունների, մեծահասակ տարիքում շրջանում խրոնիկական ցավի և ցավի հետ կապված հաշմանդամության բարձր ռիսկի են ենթարկվում, հատկապես նրանք, ովքեր ֆիզիկական բռնության են ենթարկվել:

«Այս բացահայտումները խիստ մտահոգիչ են, հատկապես հաշվի առնելով, որ ավելի քան 1 միլիարդ երեխա՝ աշխարհի երեխաների բնակչության կեսը, ամեն տարի ենթարկվում է տրավմայի՝ մեծացնելով քրոնիկ ցավի և հետագայում հաշմանդամության վտանգը», - նշում է հետազոտության առաջատար հեղինակ դոկտոր Անդրե Բուսիերը՝ ՄակԳիլ համալսարանի ֆիզիկական և օկուպացիոն թերապիայի դպրոցից (Կանադա):

«Կա հրատապ անհրաժեշտություն մշակելու նպատակային միջամտություններ և աջակցության համակարգեր՝ շրջափուլը կոտրելու և մանկական տրավմաների ենթարկված մարդկանց առողջության երկարաժամկետ արդյունքները բարելավելու համար», - նշում է գիտնականը։ 

Հետևեք NEWS.am Medicine-ին Facebook-ում և Twitter-ում