Ինչո՞ւ են դեպրեսիայով տառապող մարդիկ դժվարություններ ունենում նոր տեղեկության օգտագործման հետ կապված

Ուսուցման գործընթացում շիզոֆրենիա եւ դեպրեսիա ունեցող մարդիկ դժվարություններ են ունենում իրենց համար նոր տեղեկության օգտագործման հետ կապված։ Ուսուցման գործընթացում պացիենտենրի երկու խմբերը ավելի մեծ նշանակություն են տալիս ավելի պակաս կարեւոր տեղեկությանը եւ, որպես հետեւանք, ամենալավ որոշումները չեն կայացնում։

Այսպիսի եզրահանգման են եկել հետազոտության մասնակիցները, որը շարունակվել է մի քանի ամիս, այն իրականացրել է նյարդաբան, պրոֆեսոր Մարկուս Ուլսպերգերի ղեկավարած խումբը (Մագդեբուրգի Օտտո ֆոն Գերիկի հոգեբանության ինստիտուտ)՝ համագործակցելով Հոգեկան առողջության գերմանական կենտրոնի Հոգեբուժության եւ հոգեթերապիայի համալսարանական կլինիկայի գործընկերների հետ։

Օգտագործելով էլեկտրաէնցեֆալոգրաֆիան (ԷԷԳ) եւ բարդ մաթեմատիկական համակարգչային մոդելավորումը՝ հետազոտողների թիմը հայտնաբերել է, որ ուսումնառության դեֆիցիտը դեպրեսիա եւ շիզոֆրենիա ունեցող պացիենտների մոտ պայմանավորված է նոր տեղեկության օգտագործման ճկունության նվազմամբ։

Հետազոտությունը հրապարակվել է Brain ամսագրում։

«Դեպրեսիա եւ շիզոֆրենիա ունեցող մարդիկ հաճախ տառապում են կոգնիտիվ սահմանափակումներից,- ասել է հետազոտության առաջատար հեղինակ, դոկտոր Հանս Քիրշները։- Օրինակ, նրանց համար դժվար է հասկանալ բարդ տեղեկությունը, սովորել, պլանավորել կամ ընդհանրացնել իրավիճակը, մասնավորապես անցյալի հակառակ կապը ապագա վարքի կառավարման համար օգտագործելը մեծ խնդիր է այդ հիվանդություններով տառապողների համար»։

Նյարդահոգեբան, փսիխոթերապեւտ Թիլման Քլայնը ավելացրել է, որ կոգնիտիվ սահմանափակումները մեծ բեռ են պացիենտների համար եւ մեծ ազդեցություն են թողնում բուժման արդյունքների վրա։

«Եթե մենք ավելի լավ հասկանանք այդ խախտումներն ու դրանց պատճառները, ապա կկարողանանք մշակել բուժման այնպիսի ձեւեր, ինչպիսին է ֆունկցիոնալ թրենինգը, որոնք ավելի կոնկրետ եւ նպատակաուղղված կլինեն»,- նշել է նա

Հետևեք NEWS.am Medicine-ին Facebook-ում և Twitter-ում