Ծխելն ուղեղի մահացու հիվանդության ռիսկի գործոն է. ուսումնասիրություն

Նոր հետազոտության ընթացքում գիտնականները եկել են այն եզրակացության, որ ծխելը ռիսկի գործոն է ուղեղի կործանարար կողային ամիոտրոֆիկ սկլերոզի (ALS) զարգացման համար:

Արդյունքները հրապարակվել են Tobacco Induced Diseases ամսագրի հունվարի համարում։

Ըստ ԱՄՆ Հիվանդությունների վերահսկման և կանխարգելման կենտրոնի՝ ALS-ն ամեն տարի ազդում է մոտավորապես 31,000 ամերիկացիների վրա, ամեն տարի ախտորոշվում է մոտ 5,000 նոր դեպք: Դա զարգացող, մահացու հիվանդություն է, որի ժամանակ մկանները կառավարող նյարդային բջիջները դանդաղ մահանում են՝ հանգեցնելով թուլության և կաթվածի։

ALS-ի պատճառներն անհայտ են, և նույնիսկ հիվանդության զարգացման ռիսկի գործոնները մնում են անհասկանալի:

Նոր հետազոտության ընթացքում Հարավային Կորեայից գիտնականների թիմն ուսումնասիրել է 32 տարբեր հետազոտությունների տվյալները՝ ծխելու և ALS-ի միջև հնարավոր կապի համար:

Նրանք պարզել են, որ ծխող մարդկանց մոտ 12%-ով ավելի մեծ է ALS-ի զարգացման հավանականությունը, քան նրանք, ովքեր չեն ծխում, և ռիսկերն ավելի են մեծանում, եթե տվյալ անձը ներկա ծխող է:

Ծխելու և ALS-ի միջև կապն ավելի ուժեղ է եղել ծխող կանանց մոտ, ում մոտ 20%-ով ավելի բարձր է այս  հիվանդանդությամբ հիվանդանալու հավանականությունը, քան չծխող կանանց: Հետազոտությունը ցույց է տվել, որ այլ պոտենցիալ ռիսկի գործոնների հետ ճշգրտվելուց հետո այս լրացուցիչ ռիսկն աճել է մինչև 25%:

Հետազոտությունը ցույց է տվել, որ այլ պոտենցիալ ռիսկի գործոնների հետ ճշգրտվելուց հետո այս լրացուցիչ ռիսկն աճել է մինչև 25%:

Ծխելը թողնելու շատ լավ պատճառներ կան, և այժմ «մարդկանց ծխելը թողնելու խրախուսումը չափազանց կարևոր է՝ հաշվի առնելով դրա շոշափելի ազդեցությունը ALS-ի հավանականությունը նվազեցնելու վրա», - ասում են հետազոտողները:

Հետևեք NEWS.am Medicine-ին Facebook-ում և Twitter-ում