• Latest news▼

Ստեղծվել է հակաբակտերիալ հիդրոգել չլավացող վերքերի բուժման համար. APL Materials

3 ապրիլի, 2024  10:19

Ցզիլինի համալսարանի չինացի գիտնականներն ստեղծել են իր տեսակի մեջ առաջին հակաբակտերիալ հիդրոգելը, որը նախատեսված է չլավացող վերքերի բուժման համար։ Հետազոտությունը հրապարակվել է APL Materials ամսագրում։

Հիդրոգելները մեծ պահանջարկ ունեն բժշկությունում՝ օգնելու համար մաշկային հիվանդությունների դեպքում եւ հյուսվածքային ինժեներիայում։ Բայց դրանք դժվար է պատրաստել, այդ նյութերն անկայուն են արտաքին ազդեցությունների հանդեպ, ինչպես, ասենք, շփումն է հագուստի, սավանի կամ վիրակապի հետ։ Այդ նյութերն իրենց բնույթով նաեւ չեն կարող պայքարել բակտերիալ վարակների դեմ, ուստի դրանք պետք է հարաբերակցել հակաբիոտիկների հետ, որոնք հաճախ դանդաղեցնում են բջիջների աճն ու խանգարում ապաքինմանը։

Մասնագետները լուծել են այդ խնդիրները՝ սովորական Gel-MA հիդրոգելին ավելացնելով  պոլիլիզին ամինաթթուն եւ թրոմբոցիտներով հարուստ արյան պլազմա։ Պոլիլիզինը գործում է որպես բնական հակաբիոտիկ եւ ճնշում միկրոօրգանիզմները, իսկ արյան պլազման արագացնում է հյուսվածքների ապաքինումը։ Այդ հավելումները նաեւ նյութն ավելի կայուն են դարձրել։

Գիտնականների խոսքով՝ Gel-MA, պոլիլիզին եւ պլազմա բաղադրությունը գելի է վերածվում 30 վայրկյանում, ուլտրամանուշակագույն լամպի տակ, այն դեպքում, երբ ստանդարտ հիդրոգելերը պետք է մերթ ընդ մերթ սառեցնել, որպեսզի դրանք պահպանեն իրենց ճկունությունը։

Հետազոտողներն ակնկալում են, որ իրենց ստեղծած նյութը կօգնի դիաբետ եւ այլ հիվանդություններ ունեցող պացիենտներին, որոնց մաշկի վերքերը չեն լավանում։

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել