Ինչպես տոներից հետո վերադառնալ սովորական կյանքին

Սուրբ ծնունդը (կաթոլիկ) սարերի հետեւում չէ, եւ մեր ստամոքսները կլցվեն սննդի մեծ քանակություններով: Տարվա այս ժամանակահատվածում որոշ շռայլություններ թույլ տալու մեջ ոչ մի վատ բան չկա։ Ո՞վ կարող է  հրաժարվել մեկ բաժակ տաք անանուխով շոկոլադից: Այնուամենայնիվ շատ դժվար կլինի գնալ առավոտյան վազքի կամ յոգայիի պարապմունքների լիքը ստամոքսով:

Փորձեք հաղթահարել ծուլությունը: Ահա 9 խորհուրդ Fox News-ից՝ տոներին ֆիզիկական վիճակը պահպանելու համար.

1.Սկսեք ինչքան հնարավոր է շուտ: Ինչքան երկար դուք նստակյանց կենսակերպ վարեք, այդքան  ավելի դժվար կլինի ստիպել, որ ձեր մարմինը նորից շարժվի: Մի սպասեք հունվարի 1-ին , որպեսզի նորից սկսեք մարզվել:

2.Վերաբերվեք մարզումներին ինչպես սթրեսից ազատվելու միջոցի: Տոնական ժամանակաշրջանը կարող է լարված լինել: Միլիոնավոր առաջադրանքներ կարող են լինել, սահմանափակ գումարով միլիոնավոր նվերներ է պետք գնել, եւ միլիոնավոր մարդկանց հետ հանդիպել: «Ես ժամանակ չունեմ»,- թվում է թե բավականին լավ պատճառաբանություն է՝ մարզասրահ այցելությունը բաց թողնելու համար: Սխա՛լ է: Մարզման մասին մտածեք որպես սթրեսից ազատվելու հիասքանչ միջոց:

3.Շփման ժամանակահատված. սա տարվա այն ժամանակն է, երբ մենք շփվում ենք մեր հարազատների եւ ընկերների հետ: Ձեր համալսարանական ընկերը  պարտադիր ուզում է տեսնել ձեզ: Ձեր զարմիկը քաղաքում է եւ շատ մեծ ցանկություն ունի ձեզ հանդիպելու: Շփման ժամանակը համատեղեք ինչ-որ ակտիվ գործունեության հետ: Խոսացեք քայլքի ժամանակ, կամ վազեք մինչեւ մոտակա սրճարանը: Հրավիրեք ձեր ընկերոջը պիլատեսով զբաղվելու, իսկ հետո ընթրեք միասին: Եւ մարզումը հաճելի կլինի, եւ ձեր ընկերը գոհ կմնա:

4.Ուղղակի սկսեք: Ինչքան հեռու եք մնում առօրյա ֆիտնեսից, այդքան հետո ավելի դժվար կլինի: Արեք ատաջին քայլը:

5.Ինչ-որ նոր բան փորձեք:  Երբեմն դժվար է վերադառնալ, քանի որ ձեզ այնտեղ ձանձրալի է: Ուրիշ տեղ գնացեք, նոր տեղ գտեք, փորձեք CrossFit սեանսների  կամ կրավ-մագայի դասերի գնալ: Միլիոնավոր մարզման դասեր եւ ծրագրեր կան: Գտեք ձեզ ավելի հոգեհարազատը:

6.Փոխեք  տրամադրվածությունը: Ես լավ մարզավիճակում չեմ։ Ես այնքան գեր եմ: Ես երբեք հնարավորություն չեմ ունենա վերադառնալու իմ մարզումներին: Խնդիրն այն է, որ այս մտածելակերպը լավ խթան չէ: Ով ուզում է աշխատել, իրեն վա՞տ է զգում:  Ժամանակն է  փոխել ձայնապնակը: Փորձենք դիտարկել ժամանակավոր դադարի հետ կապված դրական կողմերը: Հնարավոր է դա ժամանակ տվեց ձեր օրգանիզմին վերականգնվել վնասվածքներից: Հնարավոր է օրվա մեջ մեկ ժամը ձեզ հնարավորություն տվեց ավելի շատ ժամանակ անց կացնել ամուսնու կամ երեխաների հետ: Ամեն դեպքում գնահատեք դրական կողմերը: Դուք սարսափելի մարդ չեք, եթե բաց եք թողել ֆիտնեսի մի քանի մարզումներ, մենք բոլորս դա անում ենք: Ուղղակի հիմա ժամանակն է վերադառնալ մարզումներին:

7.Ավելի հանգիստ: Դադարից հետո ձեր առաջին մարզումը հավանաբար սովորականից ավելի դժվար կլինի: Մի դադարեցրեք մարզումները դրա պատճառով եւ դժգոհություն մի հայտնեք ինքներդ ձեզանից: Վաղը ավելի հեռուն կգնաք եւ ավելի շատ կաշխատեք:

8.Հետուեք նախօրոք սահմանված ծրագրին: Դժվար է առանց ծրագրի վերադառնալ մարզումներին: Հստակ եւ կոնկրետ ծրագիր մշակեք մոտ օրերի համար: Օրինակ՝ ես պատրաստվում եմ մարզվել երկուշաբթի, չորեքշաբթի եւ ուրբաթ աշխատանքից առաջ: Երկուշաբթի եւ ուբաթ ես ֆիտնես եմ անելու, հետո 2 կմ կվազեմ, իսկ չորեքշաբթի հեծանվասպորտով եմ զբաղվելու: Ձեզ մնում է միայն հետեւել ձեր ծրագրին:

9.Խրախուսեք ինքներդ ձեզ: Ձեր համար ինչ-որ պարգեւատրում մտածեք ֆիտնեսի որոշակի ժամաքանակի համար: Ֆիտնեսի եք վերադարձել 2 շաբաթվա ընթացքու՞մ, մատնահարդարման գնացեք: Արդեն մեկ ամիս է ինչ մարզվում ե՞ք: Գնեք այն գեղեցիկ տաբատը՝ յոգայով զբաղվելու համար, որը դուք աչքադրել եք:

Հետևեք NEWS.am Medicine-ին Facebook-ում և Twitter-ում