Ժամանակն է, որ կրկին անգամ գրիպի դեմ պատվաստանյութ ստանալու մասին մտածենք:
Վերջերս FoxNews-ի խմբագրությունը հետեւյալ հարցն է ստացել՝ ընթերցողներից մեկից.
- Կարո՞ղ է արդյոք գրիպի դեմ պատվաստանյութը հիվանդության վարակ առաջացնել:
Գրիպի դեմ պատվաստանյութը ոչ ակտիվ վիրուսից է ստացում եւ, հետեւաբեր, ոչնչով չի կարող վարակել Ձեզ:
Այդուհանդերձ, այն, բազմաթիվ դեղամիջոցների նմանությամբ, կողմնակի ազդեցություններ կարող է հրահրել: Քանի որ վակցինացիան օրգանիզմում իմունային արձագանք հրահրելու միտում ունի, տրամաբանական է, որ որոշ «ախտանշաններ» կարող են ի հայտ գալ: Դրանցից են.
- Ոչ այնքան բարձր ջերմությունը
- Մկանային ցավը
- Աչքերի գրգռվածությունը
- Ցավը կամ այտուցումը՝ ներարկման շրջանում
- Երբեմն էլ՝ խռպոտություն եւ հազը:
Ներարկման դեմ ալերգիկ ռեակցեաները հազվադեպ բնույթ ունեն, սական եթե որեւէ ախտանշան երկու օրից երկար է տեւում, հարկ է բժշկի հետ խորհրդակցել:
Գրիպի վիրուսները պարբերաբար փոխվում են. այդ է պատճառը, որ ամեն տարի առաջարկվում է նոր պատվաստանյութ ընդունել:
Հիվանդությունների վերահսկման եւ կանխարգելման ամերիկյան կենտրոնի տվյալներով, ամեն տարի աշխարհում գրիպի զոհերի թիվը 3-49 հազարի կարող է հասնել:
Եվ հիշեք՝ պատվաստանյութը վարակումից 100 տոկոսանոց պաշտպանություն չի երաշխավորում, այնպես որ ձեռքերը հաճախակի լվանալն ամեն դեպքում տհաճություններից կփրկի:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր