• Latest news▼

45-57 տարեկան ամերիկացիների կեսը ասպիրին է ընդունում

20 ապրիլի, 2015  18:44

45-57 տարեկան ամերիկացիների կեսը ասպիրին է ընդունում, հայտնում են Օրեգոնի համալսարանի մասնագետները: Համապատասխան հոդվածը լույս է տեսել Journal of Preventive Medicine ամսագրում:

Համաձայն հետազոտության հեղինակների արձանագրած տվյալների՝ ասպիրին օգտագործողների քանակը շարունակում է աճել՝ հատկապես այն ամերիկացիների շրջանում, ովքեր ասպիրին են ընդունում սիրտ-անոթային հիվանդությունների կամ քաղցկեղի կանխարգելման նպատակով:

2500 ամերիկացու շրջանում հետազոտություն անցկացնելով՝ գիտնականները պարզել են, որ հետազոտվածների 21 տոկոսը նախկինում նշյալ նպատակով ասպիրին է ընդունել, սակայն այժմ դադարել է, իսկ հարցմանը մասնակցածների 52 տոկոսը շարունակում է այն ընդունել: Գիտնականների խոսքով՝ ասպիրինի օգտագործումը աճել է 57 տոկոսով 2005-2010 թվականներին:

Ասպիրինը հակակոօագյուլանտ է, այսինքն՝ այնպիսի դեղորայք, որը ջրիկացնում է արյունը եւ կանխարգելում տրոմբերի առաջացումը, այդ պատճառով մասնագետները խորհուրդ են տալիս օգտագործել այն տրոմբոֆիլիայի արդյունքում ի հայտ եկած բարդացումների կանխարգելման համար, որոնց արդյունքում արյունն ավելի խիտ է դառնում: Սակայն շատերն ընդունում են այս դեղորայքը քաղցկեղի կանխարգելման համար՝ չնայած նրան, որ քաղցկեղային հիվանդությունները կանխարգելելու ասպիրինի հատկությունը գիտականորեն ապացուցված չէ: Նշենք, որ ասպիրինի չարաշահումը ավելի հավանական է դարձնում արյունահոսություններն ու մի շարք այլ հիվանդություններ: 

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է