Եր՞բ ձեր իմունային համակարգը ամրապնդվելու կարիք ունի

Որոշ մարդիկ անցկացնում են հարբուխների ողջ սեզոնը ոչ մի անգամ քիթը չքաշելով, այն ժամանակ, երբ ուրիշները միանգամից հիվանդանում են, երբեմն նաեւ բարդություններով՝ամբողջ ձմեռ տեւող քթի փակվածության եւ ընդհատվող հազի տեսքով: Ի՞նչն է տարբերությունը մարդկանց այս երկու խմբերի միջև: Հետազոտությունը ցույց է տալիս, որ հարբուխի եւ մրսածության հակվածություն կարող է կապված լինել կարեւոր եւ ինչ-որ չափով անսպասելի սովորությունների հետ, ինչպսին է օրինակ շաքարի օգտագործումը:

Շաքարի օգտագործումը միայն քաշի ավելացման վրա չէ ազդում: The American Journal of Clinical Nutrition ամսագրում հրապարակված հետազոտության մեջ ասվում է, որ շաքարի 100 գրամը (3 շիշ լիմոնադ) զգալիորեն խոչընդոտում է սպիտակ բջիջների` բակտերիաներին ոչնչացնելու ունակությանը:

Ձեր օրգանիզմը մեծ քանակությամբ ջրի կարիք ունի թույներից ազատվելու համար, սուրճը եւ թեյը նույնպես հանդիսանում են ընդունելի աղբյուր: Թե որքան հեղուկ է պետք խմել ամեն օր` կախված է անձից: Եթե ձեր մեզը բաց դեղին է, ապա դուք խմում եք անհրաժեշտ քանակությամբ ջուր:

Քաշի ավելցուկը վնասակար է սրտի, ուղեղի եւ այլ օրգանների համար: Բայց դա վատ է նաեւ ձեր իմունային համակարգի համար: Իրականում, նրանք, ովքեր ծանր հիվանդ էին խոզի գրիպով, որպես կանոն ունեին միեւնույն բնութագրերը. մարմնի զանգվածի ցուցանիշը 40-ից ավելի էր, այսինքն նրանք տառապում էին գիրությունից: Ավելորդ քաշը կարող է առաջացնել հորմոնալ խանգարումներ եւ բորբոքում, որը նվազեցնում է իմունային համակարգի վարակի դեմ պայքարելու ունակությունը:

Հետաքրքիր է,  բայց խմելու ջրի մաքրությունը նույնպես կարող է որոշակի դեր խաղալ հիվանդության հավանականության մեջ: Երբ Դարտմուտի բժշկական ինստիտուտի հետազոտողները H1N1 վիրուսով վարակել են 2 խումբ մկների, այն խումբը, որը 5 շաբաթ շարունակ խմել է մկնդեղով աղտոտված ջուր, ձեռք է բերել ճնշված իմունային համակարգի ախտանշաններ եւ նրանցից շատերը մահացել են: Իսկ այն մկները, որոնք խմում էին մաքուր ջուր, հիվանդացել են հարբուխով, սակայն ամբողջովին ապաքինվել են, տեղեկացնում է Fox News-ը:

Որքան էլ կոպիտ հնչի, մարդիկ,  որոնց քթից անընդհատ ծորում է իրականում լավ պաշտպանություն ունեն գրիպի եւ հարբուխի դեմ: Լորձը թակարդ է ստեղծում վիրուսների համար եւ հեռացնում է դրանք օրգանիզմից: Եթե ձեր քթանցքները չափազանց չոր են, խոնավացրեք դրանք՝մի քիչ ֆիզլուծույթ կաթեցնելով այնտեղ: Խոնավեցնող նյութերը նույնպես կարող են օգնել: Եթե չորությունը քրոնիկ է, դիմեք բժշկի, պատճառը որոշելու համար:

Պատահական չէ, որ դուք, որպես կանոն, հիվանդանում եք մեծ ծավալով աշխատանքից հետո: Համաձայն Ամերիկյան հոգեբանական ասոցիացիայի զեկույցի` երկարատեւ սթրեսը թուլացնում է իմունային համակարգի արձագանքը: Բացի այդ, «եթե դուք սթրեսի եք ենթարկվում հարբուխի ժամանակ, ձեր ախտանշանները կարող են բարդանալ»,-ասում է Նյու-Յորքյան համալսարանի կլինիկական մանրէաբանության եւ իմունաբանության ամբիոնի վարիչ եւ «Մանրէների գաղտնի կյանքը. Ինչ է դա, ինչու մենք ունենք դրանց կարիքը եւ ինչպես մենք կարող ենք պաշտպանվել դրանցից» գրքի հեղինակ Ֆիլիպ Տյերնոն:

Հետևեք NEWS.am Medicine-ին Facebook-ում և Twitter-ում