Տղան ամբողջ մարմնի վրա խոցեր է հայտնաբերել ընտանեկան ֆերմայում հորթերին կերակրելուց հետո: Դեռահասի մայրը հայտարարել է, որ հորթերը կծել են նրա ձեռքերը, ինչը եւ բերել է վարակման: Դեռահասը ավելի քան 6 շաբաթ բուժվել է կովի ծաղկախտի վիրուսի դեմ, եւ միայն վերջերս է ցանը նրա մարմնից նահանջել:
Ուելսի Հանրային առողջապահության կազմակերպությունը պնդում է, որ Ուելսում վարակման վերջին դեպքը գրանցվել է 10-ից մինչեւ 15 տարի առաջ:
Կովի ծաղկախտի վիրուսը փոխանցվում է կենդանուց մարդուն, հիվանդ մարդուց առողջին ինֆեկցիայի տարածումը գործնականում անհնար է: Վիրուսով վարակվելը ներկայումս գրեթե անհնար է կովկիթի գործընթացի ավտոմատացման շնորհիվ: 1796 թվականին անգլիացի բժիշկ Էդվարդ Ջեններն առաջին անգամ Ջեյմս Ֆիլիփս անունով տղայի վրա կիրառել է բնական ծաղկախտի դեմ պատվաստանյութը, որը ստացել էր կովի ծաղկախտով հիվանդի ձեռքի բշտիկներից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր