Հայդելբերգի Քաղցկեղի հետազոտության գերմանական կենտրոնի աշխատակիցները ծերացման պրոցեսը դանդաղեցնելու միջոց են գտել, հաղորդում է EurekAlert! գիտական կայքը:
Մասնագետները հանգել են եզրակացության, որ դրա համար հարկավոր է «անջատել» TXNIP սպիտակուցը: Գիտնականները կարծում են, որ հենց այդ սպիտակուցն է վերահսկում մարդու եւ կենդանիների կյանքի տեւողությունը:
TXNIP-ն կարող է խախտել թթվածնի ակտիվ ձեւերի (ԹԱՁ) հավասարակշռությունը, եւ երբ դրանց քանակությունն ավելանում է, հանգեցնում է օրգանիզմի ծերացման:
Բացի այդ՝ ԹԱՁ-երը կարեւոր դեր ունեն իմունային համակարգի գործունեության մեջ: Իսկ TXNIP-ն արգելափակում է TRX-1 ֆերմենտը, որը կարող է չեզոքացնել ԹԱՁ-երի ավելցուկը:
Մասնագետները հետազոտություն են անցկացրել, որին 55 տարեկանն անց, ինչպես նաեւ 20-25 տարեկան կամավորներ են մասնակցել: Համեմատելով նրանց T լիմֆոցիտները՝ կենտրոնի աշխատակիցները հանգել են եզրակացության, որ տարեց մարդկանց բջիջները զգալիորեն ավելի շատ TXNIP սպիտակուց են արտադրում:
Կենսաբանների խոսքով՝ հետազոտությունը հաստատել է, որ TXNIP-ն ծերացման պրոցեսի առանցքային կարգավորիչն է:
«Գիտնականները հարյուրավոր գեներ են գտել, որոնք այս կամ այն կերպ կապված են ծերացման հետ: Բայց այդ պրոցեսը դանդաղեցնելու համար բավական է միայն «անջատել» TXNIP սպիտակուցը»,- նշել է հետազոտության հեղինակներից Պետեր Կրամերը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր