Երբ առողջ սննդակարգն ու սպորտը բավարար չեն. ում կարող են օգնել նիհարեցնող դեղամիջոցները

Քաշի նվազեցման համար նախատեսված դեղամիջոցները կարող են օգնել այն մարդկանց, ում չի հաջողվում նիհարել սննդակարգի և ֆիզիկական ծանրաբեռնվածության միջոցով, սակայն բուժումը հաճախ ստիպված են լինում շարունակել երկար ժամանակ: Ընդ որում, դեղերը բոլորին չէ, որ համապատասխանում են, և կարող են առաջացնել կողմնակի ազդեցություններ, գրում է Health Day բժշկագիտական հանդեսը:

Ճարպակալման դեղորայքային թերապիան կարող են դիտարկել 30 և մարմնի զանգվածի բարձր ինդեքս ունեցող հասուն մարդիկ, ինչպես նաև 27-ից բարձր մարմնի զանգվածի բարձր ինդեքս ունեցողները՝ ավելորդ քաշի հետ կապված հիվանդությունների առկայության դեպքում, օրինակ՝ երկրորդ տիպի դիաբետ, բարձր ճնշում կամ քնի ապնոէ:

Եթե սննդակարգի փոփոխությունը և ֆիզիկական ակտիվության ավելացումը չեն օգնում նվազեցնել քաշն առնվազն 5%-ով, կարելի է բժշկի հետ քննարկել դեղամիջոցների ընդունումը: Որոշ դեպքերում դեղերը նշանակում են կենսակերպի փոփոխմանը զուգահեռ՝ առանց նախապես երկար ժամանակ առանց դրանց նիհարել փորձել պահանջելու:

Ժամանակակից միջոցների շարքին են դասվում տիրզեպատիդը (Zepbound) և սեմագլուտիդը (Ozempic, Wegovy և Rybelsus): Դրանք ունակ են ապահովել քաշի զգալի նվազեցում: Այլ դեղամիջոցներ, դրանց թվում՝ ֆենտերմինը տոպիրամատի հետ (Qsymia), նալտրեքսոնը բուպրոպիոնի հետ (Contrave) և օրլիստատը (Alli կամ Xenical), ևս  օգնում են նիհարել, թեև ազդեցությունը սովորաբար ավելի թույլ է արտահայտված: Դրանք կարող են նվազեցնել ախորժակը, արագացնել հագեցվածությունը կամ խոչընդոտել ճարպերի մի մասի յուրացմանը:

Ճարպակալման դեմ որոշ դեղամիջոցներ օգուտ են բերում նաև այլ հիվանդությունների վրա ազդեցության հաշվին՝ օգնում են վերահսկել արյան մեջ շաքարի մակարդակը դիաբետի դեպքում և նվազեցնել սիրտ-անոթային ռիսկերը: Առանձին միջոցներ կիրառվում են նաև քնի ապնոէի, լյարդի ճարպային հիվանդության և երիկամների խրոնիկական հիվանդության դեպքում:

Սակայն դեղերը կարող են կողմնակի ազդեցություններ առաջացնել, ուստի անհրաժեշտ է կանոնավոր կերպով խորհրդակցել բժշկի հետ: Արձագանքը բուժմանը անհատական է, իսկ դեղամիջոցների ընդհատումից հետո քաշը հաճախ վերադառնում է: Այդ պատճառով թերապիան հաճախ երկարատև է ստացվում:

Արժեքը նույնպես կարող է խոչընդոտ դառնալ. ապահովագրական ընկերությունները միշտ չէ, որ ծածկում են նման դեղերի ծախսերը, իսկ ինքնուրույն գնումը կարող է ամսական հարյուրավոր և նույնիսկ հազարավոր դոլարներ արժենալ:

Դեղամիջոցները կարող են ճարպակալման դեմ պայքարի լրացուցիչ գործիք դառնալ, սակայն առողջ սննդակարգին և ֆիզիկական ակտիվությանը չեն փոխարինում: Դրանց կիրառման մասին որոշումը պետք է ընդունել բժշկի հետ միասին՝ հաշվի առնելով առողջական վիճակը և անհատական նպատակները:

Հետևեք NEWS.am Medicine-ին Facebook-ում և Twitter-ում