«Սարսափի ամերիկյան պատմությունը» (American Horror Story) սերիալի դերասան Բեն Վուլֆը, որը մահացել է ՃՏՊ-ի արդյունքում, երեք հոգու կյանք է փրկել: Բանն այն է, որ դեռեւս մահվանից առաջ նա համաձայնվել է օրգանների դոնոր լինել:
Ինչպես հայտնում է NBC News-ը՝ վկայակոչելով OneLegacy ոչ առեւտրային կազմակերպության ներկայացուցչին, դերասանն իր մահվան դեպքում համաձայնվել է լյարդի եւ երիկամների դոնոր լինել: Նրա օրգաններն արդեն փոխպատվաստվել են երեք կանանց:
Վուլֆը մահացել է փետրվարի 24-ին Լոս Անջելեսի հիվանդանոցներից մեկում՝ ընտանիքի անդամներով շրջապատված: Նա հոսպիտալացվել էր ՃՏՊ-ից հետո:
«Բենը ինձ ծանոթ մարդկանցից ամենաբարին էր, ամենաուշադիրը… Դոնոր դառնալու նրա համաձայնությունը զարմանալի չէ… Նա շատ կուրախանար, եթե իմանար, որ երեք մարդ է կարողացել փրկել», - նշել է դերասանի հայրը՝ Նիկոլաս Վուլֆը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր