Երեկոյան ժամը 7-ից ուշ ընթրելը վտանգավոր է ոչ միայն կազմվածքի համար, այլեւ` առողջության. ուշ ընթրիքը, պնդում են Dokuz Eylül University-ի (Թուրքիա) գիտնականները, բարձրացնում է հիպերտոնիայի, սրտի կաթվածի եւ այլ հիվանդությունների զարգացման ռիսկը:
Պարզելու համար, թե սնունդն ու դրա ընդունման ժամն ինչպես են ազդում մարդու առողջության վրա, հետազոտողները հետեւել են ավելի քան 700 չափահաս մարդու առողջությանը, որոնք բարձր զարկերակային ճնշում են ունեցել: Հատուկ ուշադրություն են դարձրել սննդի տեսակներին, սննդում աղի քանակին, կանոնավոր նախաճաշի առկայությանը կամ բացակայությանը, ինչպես նաեւ ընթրիքի ժամանակին:
Հետազոտողները նկատել են, որ ուշ ընթրիքն առավել էական բացասական ազդեցություն է գործում զարկերակային ճնշման վրա ընդհանուր առմամբ: Այսպես, քնից երկու ժամ առաջ ընթրիքի օգտագործումն ավելի վնասակար է սրտանոթային առողջության համար, քան սննդում մեծ քանակությամբ աղի առկայությունը: Այդ կապակցությամբ սրտաբաններն ընդգծում են, որ սննդի ընդունման ժամանակը կարող է մարդու առողջության համար նույնքան կարեւոր լինել, որքան ինքը` սնունդը:
Այսպիսով` առողջ սննդակարգը, գիտնականների կարծիքով, նշանակում է սննդարար նախաճաշ եւ ճաշ, բայց ավելի թեթեւ ընթրիք, որն իդեալական կլինի ընդունել երեկոյան 7-ից ոչ ուշ:
Հիշեցնենք, որ հիպերտոնիան սրտանոթային հիվանդությունների զարգացման ռիսկի առանցքային գործոններից մեկն է համարվում: Հիպերտոնիայով հիվանդների 40 տոկոսի մոտ զարկերակային ճնշումը գիշերվա ընթացքում բավարար չափով չի նվազում, ինչը կտրուկ մեծացնում է սրտի կաթվածի վտանգը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր