Հավանեք մեր էջը ֆեյսբուքում

 

Աղջնակը կրտսեր քրոջը փրկել է՝ տալով իր ոսկրածուծը (լուսանկարներ)

11 նոյեմբերի, 21:37

Երբ Ավան 5 ամսական էր, նրա մոտ մուկոպոլիսախարիդոզ են ախտորոշել, որը հազվագյուտ գենետիկական խանգարում է: Նրա օրգանիզմում անբավարար էին գլիկոզամինոգլիկանների՝ շաքարի մոլեկուլների տարրալուծման համար անհրաժեշտ ֆերմենտները: Առանց այս ֆերմենտների այդ մոլեկուլները կուտակվում են օրգանիզմում եւ վնասում բոլոր ներքին օրգանները:

Աղջիկն անհապաղ ոսկրածուծի փոխպատվաստման կարիք ուներ: Իսկ նման փոխպատվաստում կատարելու համար անհրաժեշտ է համապատասխան, նրան լիակատար համատեղելի դոնոր գտնել: Մասնագետները ստուգել են նրա երկու եղբայրներին եւ ավագ քրոջը՝ 9-ամյա Լիլի Թոմասին: Ի զարմանս ծնողների՝ վերջինս փոքրիկ Ավայի հետ գենետիկորեն համատեղելի էր եւ կարող էր նրա դոնորը դառնալ:

«Ես շատ ուրախ էի, որ կարող եմ նրան օգնել»,- ասել է Լիլին, որն, իհարկե, համաձայնել է փոխպատվաստմանը:

«Դա ուղղակի հրաշք էր: Մենք անգամ հույս չունեինք դոնոր գտնել: Մենք փորձեցինք բոլոր երեխաներին, եւ Լիլին համապատասխանող դոնոր էր, դա զարմանալի էր»,- ասել են ծնողները:

Ավային փոխպատվաստել էին քրոջ ողնուղեղը, եւ այդ վիրահատության շնորհիվ աղջիկը սկսել էր ապաքինվել: Հիմա նա որոշ խնդիրներ ունի ոսկորների հետ կապված, բայց ընդհանուր առմամբ նրա վիճակը մեծապես լավացել է:

Նշենք, որ եթե ընտանիքում կա 4 երեխա, ապա հավանականությունը, որ նրանցից մեկը կարող է մյուսի համար ողնուղեղի փոխպատվաստման դոնոր դառնալ ընդամենը 25 տոկոս է: Եթե քույրերի եւ եղբայրների մեջ չի հաջողվում  համապատասխան դոնոր գտնել, ապա նրան սկսում են փնտրել կողմնակի մարդկանց շրջանում: Այդ որոնումները հեշտացնելու համար աշխարհի շատ երկրներում, այդ թվում՝ Հայաստանում, կա ողնուղեղի դոնորների ռեեստր: Մարդիկ կամավոր գրանցվում են եւ իրենց գենետիկ տվյալները հանձնում (3 մլ արյուն), եւ եթե ինչ-որ հիվանդանոցում լինում է հիվանդ, որը փոխպատվաստման կարիք է ունենում, համապատասխան դոնորին փնտրում են ռեեստրում:

Հիշեցնենք, որ այսօր ողնուղեղի ցողունային բջիջների փոխպատվաստումը շատ հաջող կիրառվում է մի շարք հիվանդություններ բուժելու համար, այդ թվում՝ արյան չարորակ հիվանդությունների:

NEWS.am Medicine

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Պատրա՞ստ եք Դուք պոլիկլինիկաներում վճարել բժշկական ծառայությունների համար
Այո, քանի որ ես, միեւնույնն է, վճարում եմ, թող լինի պաշտոնապես
Ոչ, ես պոլիկլինիկա եմ գնում, քանի որ գումար չունեմ
Ոչ, ավելի լավ է վճարել հիվանդանոցին