Մեր կյանքի ընթացքում բոլորս էլ այս կամ այն ձեւով պայքարում ենք ստրեսային իրավիճակների դեմ, այն հատկապես զգալի է էսենցիալ տրեմորով (դողէրոցք) հիվանդների մոտ, հաղորդում է Health Cleveland Clinic-ը:
Առաջին հայացքից Էսենցիալ տրեմորը (ԷՏ) կարող է Պարկինսոնի հիվանդություն թվալ: Բայց դրանք տարբեր են, քանի որ էսենցիալ տրեմորը (դող) առաջ է գալիս, երբ մարդը սկսում է շարժվել՝ ուտել, խմել կամ գրել: Իսկ Պարկինսոնի հիվանդության դեպքում, մարդն անգամ անշարժ վիճակում կարող է դողալ, ասում է նյարդաբան Քրիստին Էփբլինը: Մեծամասամբ այն արտահայտվում է ձեռքերի դողով, բայց դողը կարող է նաեւ հասնել գլուխ, ծնոտ, ինչպես նաեւ ձայնի վրա անդրադառնալ: Որոշ, ավելի ծանր իրավիճակներում դողը կարող է ազդել հավասարակշռության վրա: ԷՏ-ն կարող է ժառանգաբար փոխանցվել, բայց ոչ միշտ: Բժիշկ Էփբլին ասում է, որ որոշ դեղորայքներ նույնպես կարող են առաջացնել դող, օրինակ լիթիումը եւ հակադեպրեսանտները: Հիպերթիրեոզը նույնպես կարող է առաջացնել դող, որը նման է ԷՏ-ին:
Բժիշկ Էփլբին նշում է նաեւ, որ ԷՏ-ի ախտորոշման դեպքում, բժիշկները նշանակում են տարբեր դեղորայքներ, հիմնականում պրոպրանոլոլ (ճնշման դեղորայք) եւ պրիմիդոն (հակացնցումային դեղորայք):
Բացի դեղորայքից ԷՏ-ով հիվանդներին տալիս են տարբեր խնդիրներ, որոնք հիվանդները ուշադիր պետք է պլանավորեն եւ կատարեն որոշակի սահմանափակ ժամանակահատվածում:
ԱՄՆ-ի առողջապահության ազգային ինստիտուտները խորհուրդ են տալիս ամենաբարդ խնդիրները թողնել օրվա ամենաբարենպաստ պահի համար: Երբ դողը անցնում է, պետք է սկսել գրել՝ գրանցել հաշիվներ, ուղարկել բացիկներ:
Բժիշկ Էփլբին խորհուրդ է տալիս օգտագործել սպասքի ավելի մեծ պարագաներ՝ մեծ բռնակներով, որպեսզի ուտելը ավելի հեշտ լինի:
Գերադասելի է կրել այնպիսի հագուստ եւ կոշիկ, որոնք հագնելիս եւ հանելիս ավելորդ խնդիրներ չեն առաջացնի:
ԷՏ-ով հիվանդները պետք է նաեւ խուսափեն կոֆեինով հարուստ խմիչքներից եւ ավելի շատ ժամանակ պետք է հատկացնեն քնին: Եթե դեղորայքը չի օգնում կամ դրանց հանդեպ անհանդուրժողականություն կա, այդ դեպքում հիվանդներին կատարում եմ խթանիչի փոխպատվաստում: Սա թերապեւտիկ վիրաբուժություն է, որի ընթացքում հիվանդի ուղեղի այն հատվածում, որը պատասխանատու է դողի համար, տեղադրում են էլեկտրական խթանիչներ՝ դողը նվազեցնելու նպատակով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր