Առողջապահության համաշխարհային կազմակերպությունն (ԱՀԿ) ուղեւորությունների համար տարեկան շուրջ 200 մլն դոլար է ծախսում. շատ ավելի, քան այնպիսի հիվանդությունների դեմ պայքարի համար, ինչպիսիք են ՁԻԱՀ-ը, տուբերկուլյոզը եւ մալարիան: Այս մասին գրում է Associated Press-ը՝ վկայակոչելով իր լրագրողների տրամադրության տակ հայտնված փաստաթղթերը:
Հայտնի է դարձել, որ 2013 թվականից ԱՀԿ-ն գործուղումների համար 803 մլն դոլար է ծախսել, իսկ անցյալ տարի ՁԻԱՀ-ի եւ հեպատիտի դեմ պայքարի համար շուրջ 71 մլն դոլար է հատկացրել, տուբերկուլյոզի դեմ պայքարի համար՝ 59 մլն: Իհարկե, կան ոլորտներ, որոնց համար կազմակերպությունը, ամեն դեպքում, բավական շատ է ծախսում. օրինակ՝ պոլիոմելիտի դեմ պայքարի համար ԱՀԿ-ն ամեն տարի շուրջ 450 մլն դոլար է ծախսում:
AP-ի տվյալներով՝ ԱՀԿ ղեկավար Մարգարեթ Չենը Գվինեա այցի ժամանակ իջեւանել է Palm Camayenne հյուրանոցի նախագահական համարում, որի արժեքը մեկ գիշերվա համար ավելի քան 1000 դոլար է:
Նշվում է, որ ԱՀԿ-ի տարեկան բյուջեն շուրջ 2 մլրդ դոլար է, որը ձեւավորվում է 194 երկրների անդամավճարներից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր