Լա Ռիոհայի (Իտալիա) Սնկային տեխնոլոգիաների հետազոտական կենտրոնի աշխատակիցները խորհուրդ են տալիս սունկը պատրաստել միկրոալիքային վառարանում կամ գրիլի վրա: Նրանց խոսքով՝ այսպես պատրաստված սունկը պահպանում է վիտամինների եւ հանքանյութերի առավելագույն քանակը:
Հետազոտության ընթացքում հետազոտողները փորձարկել են սնկի պատրաստման գործնականում բոլոր մեթոդները, որոնք հայտնի են խոհարարությանը: Այս ընթացքում նրանք օգտագործել են սպիտակ սունկը, շիիթակեն, ոստրեասնկերը: Փորձերի գլխավոր նպատակն էր պարզել, թե պատրաստման եղանակներից որն է թույլ տալիս առավելագույն չափով պահպանել սնկերի սննդարար արժեքավորությունը:
Մասնագետները հիշեցրել են, որ սնկերը պարունակում են մարդու առողջության համար շատ արժեքավոր միկրոտարրեր՝ սպիտակուց, ցինկ, սելեն, B խմբի վիտամիններ, նաեւ C, D եւ E վիտամիններ: Սնկերում նաեւ մեծ քանակով բջջանյութ կա, իսկ ահա կալորիաները եւ ճարպերը բավականին քիչ են:
Ջերմային մշակման համար չնախատեսված օգտակար նյութերը չոչնչացնելու համար փորձագետները խորհուրդ են տալիս սնկերը պատրաստել միկրոալիքային վառարանում կամ գրիլի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր