32-ամյա կինը բնական ճանապարհով բեղմնավորված քառյակ է լույս աշխարհ բերել (ֆոտո)

32-ամյա Դանիելա Թրեշերը և նրա ընկերը տեղեկացել էին ապագա երեխայի մասին, երբ տեսել էին հղիության թեստի արդյունքները: Հետագայում՝ ճառագայթային հետազոտության արդյունքում, պարզվել էր, որ մեկ երեխա չէ, նրանք երկվորյակներ են: Դանիելան չէրր զարմացել, քանի որ իր եղբայրները նույնպես երկվորյակներ են եղել:

Մեկ շաբաթ անց նա կրկին հետազոտություն անցավ և պարզվեց, որ երկու երեխաների հետեւում թաքնված էր ևս մեկը, և զույգը պետք է եռյակ ունենա: Հղիության 13-րդ շաբաթում պարզ դարձավ, որ երեխաներն իրականում 4-ն են: «Ես թեքվեցի եւ հարցրեցի Ջոզեֆին՝ ինչ ենք մենք անելու,- պատմում է Դանիելլան: Ջոզեֆը, սակայն, նորությանը շատ հանգիստ արձագանքեց և ասաց. «Մտահոգվելու ոչինչ չկա, պարզապես մեկ երեխա ավելի»:

Հետաքրքիր է, որ քառյակը բեղմնավորվել է բնական ճանապարհով այն էլ՝ 4 տարբեր ձվաբջիջներից: Այսպիսի հղիության հավանականությունը 700 000-ից 1-ն է: Բժիշկները Դանիելային և նրա ընկերոջն առաջարկել էին հեռացնել փոքրիկներից 2-ին՝ բացատրելով նրանց՝ ինչ հետևանքներ կարող է ունենալ բազմաբջիջ հղիությունը, սակայն զույգն հրաժարվել էր այդ առաջարկից:

«Մենք զգում էինք, որ Աստված ցանկանում է մեզ պարգևել 4 երեխա և նրանք կլինեն 4-ը»,- ասել էր Դանիելան: Սովորաբար քառյակի հղիություններն ավարտվում են վաղաժամ ծննդաբերությամբ՝ հղիության 24-26 շաբաթվա ընթացքում: Դանիելայի մոտ հղիությունը տևել է 27 շաբաթ և 5 օր, որից հետո նա ծննդաբերել է կեսարյան հատման միջոցով: Այդ ժամանակ նա արդեն ուներ արյան ճնշման հետ կապված խնդիրներ, բացի այդ երեխաներից մեկը՝ հետագայում Արյա անվանակոչված աղջիկը, հղիության ժամանակ նորմալ սնուցում չէր ստացել:

Առաջինը ծնված աջղկան անվանակոչել են Զոյա Շեյեն՝ ի պատիվ Դանիելայի մահացած քրոջ, երկրորդ աղջկան անվանել են Լիլի Մեյ, իսկ երրորդին՝ Մեյ Ջո: Արյան ծնվել է վերջինը և նրան անվանել են «Գահերի խաղը» հայտնի սերիալի հերոսուհիներից մեկի պատվին, ում Դանիելան շատ է սիրում:

Հետևեք NEWS.am Medicine-ին Facebook-ում և Twitter-ում