7 սովորություն, որոնք կարող են կայունացնել քաշը

Սննդի հարցում խիստ սահմանափակումը ծանր է ազդում հոգեկանի ու օրգանիզմի վրա։ Միաժամանակ կան միջոցներ, որոնք թույլ են տալիս քաշը վերահսկել սթրեսի նվազագույն մակարդակով։ PINK –ը ներկայացրել է յոթ սովորություն առողջ մարմին ունենալու համար, որոնց արդյունավետությունը գիտականորեն ապացուցված է։

1․ Ժամանակին պառկել քնելու

Քնի պակասն ավելորդ քաշ հավաքելու պատճառներից մեկն է։ Էներգիայի պակասը լրացնելու համար օրգանիզմը կարող է մշտապես պահանջել սնունդ, հատկապես շաքար պարունակող սնունդ, որպես էներգիայի արագ լրացման աղբյուր։ Բացի դրանից, երբ դուք քիչ եք քնում, դուք ավելի քիչ ուժեր եք ունենում և չեք կարողանում  դուրս գալ զբոսնելու  կամ աստիճաններով բարձրանաք ՝ վերելակ նստելու փոխարեն։ Դրա համար էլ առաջին հերթին ձգտեք ձեր քունը կարգավորել։

2․ Բավականաչափ ջուր խմել

Հետազոտությունները ցույց են տալիս, որ գործածվող ջրի ծավալի ավելացումն  օգնում է նվազեցնել քաշը։ Օրական լրացուցիչ կես լիտր ջուրը  կօգնի ակտիվացնել նյութափոխանակությունը, նվազեցնել շատակերության վտանգն ու լավացնել ինքնազգացողությունը։

3․ Կրճատել շաքարի ու պարզ ածխածինների գործածումը

Ու խնդիրը նույնիսկ կալորիաների քանակը չէ։ Շաքարն ու արագ ածխածինները մյուսներից ավելի ակտիվ են խթանում ինսուլիսին արտադրությունը, որը օրգանիզմի գլխավոր «ճարպային» հորմոնն է ու գործարկում է քաշի հսկողության գործընթացը։ Արյան մեջ ինսուլիսի  ցածր մակարդակի դեպքում օրգանիզմը սկսում է  այրել ճարպերը, դրա համար էլ ցածր ածխածնային սննդակարգերն արդյունավետ են։ Բացի  դրանից ինսուլինի ցածր մակարդակի դեպքում երիկամների համար հեշտանում է ավելորդ ջուրը օրգանիզմից հանելը, այդպիսով նվազեցնելով այտուցվածությունը։ Փորձեք նախ հրաժարվել քաղցր գազավորված ըմպելիքներից ու քաղցր թեյ, սուրճ ու շիլաները գործածելուց։ Ժամանակի ընթացքում կարելի է վերանայել աղանդերների հանդեպ վերաբերմունքը ու փոխել դրանք նվազ քաղցր ու ավելի օգտակար մթերքներով։

4․ Բավականաչափ սպիտակուց ուտել

Իդեալական տարբերակն այն է, որ ամեն անգամ մեր ճաշացանկը պարունակի բանջարեղեն ու սպիտակուցի աղբյուր։ Դա ոչ միայն կհամալրի մեր օրգանիզմը անհրաժեշտ սննդարար տարրերով ու կպաշտպանի առողջական խնդիրներից, այլև կօգնի կրճատել ածխածինների գործածումն ու կարգավորել ախորժակը։ Պրոտեինի գործածման մոտավոր նորման է 0․8 գրամ սպիտակուց 1 կգ քաշի համար։ Այսպիսով՝ նստակյաց կենսակերպ վարող կանանց համար պրոտեինի միջին անհրաժեշտ քանակությունը օրական 48 գրամ է։

5․ Մի մոռացեք օգտակար ճարպերի մասին

Որքան էլ տարօրինակ չհնչի, սառը մզման բուսական՝ հատկապես ձիթապտղի ու ավոկադոյի   յուղերում, նաև ընդեղենում ու սերմերում պարունակվող միաչհագեցած ճարպաթթուներով օգտակար ճարպերնօգնում են այրել ճարպերը քաշի կորստի պրոցեսում։

6․ Սիրել բանջարեղեն

Ածխածինների ցածր պարունակությամբ բանջարեղենը՝ կաղամբի բոլոր տեսակները, հազարը, վարունգը, նեխուրը, դդմիկը, պարունակում են նվազագույն քանակության կալորիաներ ու առավելագույն քանակության սննդարար տարրեր։ Ընդ որում դրանք օգնում են օրգանիզմին յուրացնել սպիտակուցը, կարգավորում են մարսողությունն ու արագացնում  նյութափոխանակությունը։

7․ Թեյ կամ սուրճ խմել

Եթե Ձեզ դուր է գալիս թեյի կամ սուրճի համը ու դուք դրանց գործածման հարցում հակացուցումներ չունեք, խմեք որքան ուզում եք։ Ապացուցված է, որ կոֆեինն արագացնում է նյոււթափոխանակությունը 3-11 տոկոսով։ Խոսքը մաքուր տեսքով ըմպելիքների մասին է՝ առանց կաթի ու շաքարի։

Հետևեք NEWS.am Medicine-ին Facebook-ում և Twitter-ում