Բիլ Գեյթսը կֆինանսավորի մալարիայի դեմ պայքարի նպատակով մուտանտ-մոծակների ստեղծման նախագիծը

Microsoft-ի հիմնադիր Բիլ Գեյթսը կֆինանսավորի մալարիայի դեմ պայքարի նպատակով մուտանտ-մոծակների ստեղծումը: New York Post-ի հաղորդմամբ՝ ընդհանուր առմամբ, նախագծում 4 մլն դոլար ներդրում կարվի:

Մալարիայի փոխանցող են համարվում մոծակները, սակայն մուտանտ-մոծակների նոր տեսակն անվնաս կլինի մարդու համար: Հայտնի է, որ մարդուն խայթում են միայն էգերը, այդ պատճառով գիտնականները միայն արուներ կաճեցնեն: Դրանք կկատարեն «ամուսնական պարտականությունները»՝ զուգավորման ընթացքում փոխանցելով այն գենը, որը սերունդներին թույլ չի տա հասնել այն տարիքի, երբ մոծակները սկսում են արյուն խմել:

Գիտնականները հույս ունեն, որ մուտանտ-մոծակները կօգնեն մալարիայի դեմ պայքարում, որից ամեն տարի աշխարհում ավելի քան մեկ միլիոն մարդ է մահանում:

Նախագիծը կիրականացնի Oxitec ընկերությունը, որն արդեն գենետիկորեն մոդիֆիկացված մոծակներ է մշակել Զիկա վիրուսի դեմ պայքարի համար:

Հետևեք NEWS.am Medicine-ին Facebook-ում և Twitter-ում